قالالىق اكىمدىكتە نۇر-سۇلتان قالاسىنىڭ قوعامدىق دامۋ ىستەرى باسقارماسىنىڭ ۇيىمداستىرۋىمەن ۇكىمەتتىك ەمەس ۇيىمدار وكىلدەرىمەن «ديالوگ الاڭى» ءوتتى. جيىندا ەلوردالىق ۇەۇ قىزمەتىن ۇيلەستىرۋ بويىنشا 2020 جىلعا ارنالعان مەملەكەتتىك الەۋمەتتىك تاپسىرىس جوبالارىنىڭ تاقىرىپتارى تالقىلاندى. كەزدەسۋگە نۇر-سۇلتان قالاسىنداعى ۇكىمەتتىك ەمەس ۇيىمدار وكىلدەرى قاتىستى.
نۇر-سۇلتان قالاسى قوعامدىق دامۋ ىستەرى باسقارماسىنىڭ باسشىسى تالعات راحمانبەردى بۇگىنگى تاڭدا 3159 ۇيىم تىركەلگەنىن, ەلىمىزدەگى نەعۇرلىم بەلسەندى قىزمەت ەتەتىن ۇەۇ نۇر-سۇلتان قالاسىندا ورنالاسقانىن, ولاردىڭ جاستار ساياساتى مەن بالالار باستامالارىن قولداۋ, قوعامدىق كەلىسىمدى نىعايتۋ, گەندەرلىك ساياسات, ت.ب. قىزمەت باعىتتارىنا سايكەس بەلسەندى جۇمىس جاساپ جاتقانىن ايتىپ ءوتتى.
«قوعامدىق دامۋ ىستەرى باسقارماسىنىڭ نەگىزگى ماقساتتارىنىڭ ءبىرى – ول قالاداعى جۇرگىزىلەتىن الەۋمەتتىك ءىس-شارالارعا بۇكىل قوعامدىق ۇيىمداردى تارتۋ بولىپ تابىلادى. ازاماتتىق باستامالاردى سىزدەردىڭ قولداپ, كومەك كورسەتۋلەرىڭىز – ءبىزدىڭ جۇمىسىمىزدىڭ ءبىر باعىتى, بۇگىن سول ءۇشىن جينالىپ باس قوسىپ وتىرمىز, ماقساتىمىز – ۇكىمەتتىك ەمەس ۇيىمدار مىندەتىنىڭ نەگىزگى باعىتتارىن تالقىلاپ, الدا جۇزەگە اسىرىلاتىن جۇمىستاردى ناقتىلاۋ» دەپ اتاپ كورسەتتى نۇر-سۇلتان قالاسى قوعامدىق دامۋ ىستەرى باسقارماسىنىڭ باسشىسى تالعات راحمانبەردى.
«ديالوگ الاڭىندا» قالالىق ازاماتتىق باستامالار ورتالىعىنىڭ جەتەكشىسى جانە «كامەد» قوعامدىق قورىنىڭ اتقارۋشى ديرەكتورى ماحاببات ەسپەنوۆا ءسوز الىپ, «مەملەكەتتىڭ الەۋمەتتىك تاپسىرىستارىنىڭ اعىمداعى جوبالارىنىڭ جۇزەگە اسىرىلۋى تۋرالى ايتىپ, بايانداما جاسادى. جيىن سوڭىندا قاتىسۋشىلار وزدەرىن تولعاندىرعان ماسەلەلەردى ورتاعا سالدى.
جادىرا شامۇراتوۆا
