نۇر-سۇلتان قالاسىنىڭ اكىمى التاي كولگىنوۆ وتباسى ينستيتۋتىن قولداۋ ورتالىعىن اشۋدى ۇسىندى.
قوعامداعى ماڭىزدى ماسەلەلەردىڭ ءبىرى قالتارىستا قالىپ, وسى كۇنگە دەيىن ەلوردادا كوپبالالى جانە تۇرمىسى تومەن وتباسىلاردى الەۋمەتتىك بەيىمدەۋ, ولاردىڭ كاسىپ يگەرىپ, ەڭبەك ەتۋىنە مۇمكىندىك تولىق قاراستىرىلماعان.
نۇر-سۇلتان قالاسىندا وسىنداي ورتالىق قۇرۋدى ۇسىنامىن. ورتالىق الدىمەن الەۋمەتتىك كومەككە مۇقتاج ازاماتتاردىڭ مالىمەتتەر بازاسىن جاساقتايدى. سودان كەيىن الەۋمەتتىك ءالسىز توپتاردى سونىڭ ىشىندە كوپبالالى, مۇمكىندىگى شەكتەۋلى بالا تاربيەلەپ وتىرعان جانە تاعى باسقا دا مۇقتاج وتباسىلاردىڭ مۇشەلەرىنە تولىق الەۋمەتتىك كومەك كورسەتەتىن بولادى» دەدى قالا باسشىسى. اكىمنىڭ ايتۋىنا قاراعاندا, ورتالىق قۇقىقتىق, پسيحولوگيالىق كەڭەستەر بەرىپ, مەديتسينالىق تەكسەرۋلەرگە جولداما ۇسىناتىن بولادى. «وتباسى ينستيتۋتىن قولداۋ ورتالىعى انالارعا قولايلى بولۋ ءۇشىن «Open space» نەگىزىندە جاسالادى جانە بالالارعا قارايتىن شاعىن بالاباقشانىڭ جۇمىسى ۇسىنىلادى. وسى ماسەلەنى رەتتەۋدى ورىنباسارىم باقتيار ماكەنگە تاپسىرامىن» دەدى اكىم.
