وتكەن جولىمىز ونەگەلى
ەلباسى نۇرسۇلتان نازارباەۆ تۇڭعىش پرەزيدەنت كۇنىنە ارنالعان بايانداماسىندا قازاقستان حالقىنىڭ تاۋەلسىزدىككە جەتكەن جولىنىڭ تاريحي ءتۇيىنىن جانە اسا ماڭىزدى ءۇش كەزەڭىن اتاپ ءوتتى.
ءبىرىنشى كەزەڭ – ءبىزدىڭ مەملەكەتىمىزدىڭ تۇڭعىش ابسوليۋتتىك ەگەمەندى مەملەكەتتىك اكتى رەتىندە سەمەي پوليگونىن جابۋ تۋرالى جارلىقتى بەكىتۋى.
ەكىنشى كەزەڭ – 1991 جىلدىڭ 1 جەلتوقسانىندا حالقىمىزدىڭ تاريحىندا تۇڭعىش رەت وتكەن قازاقستاننىڭ پرەزيدەنتىڭ جالپىحالىقتىق سايلاۋى.
ءۇشىنشى كەزەڭ – «قازاقستان رەسپۋبليكاسىنىڭ مەملەكەتتiك تاۋەلسiزدiگi تۋرالى» كونستيتۋتسيالىق زاڭنىڭ قابىلدانۋى.
شىنىندا دا, وسى ءۇش شەشىم قازاقستان تاعدىرىنداعى ونىڭ كەيىنگى باعىتىن انىقتاعان جانە ءاربىر قازاقستاندىقتىڭ ماقتانىش ەتەتىن جەتىستىكتەر مەن جەڭىستەرگە نەگىز بولدى. ءار قازاقستاندىق ءۇشىن ەڭ باستى, ومىرلىك ماڭىزدىلىعى بار وقيعا, ارينە, 1991 جىلدىڭ 16 جەلتوقسانىنداعى «قازاقستان رەسپۋبليكاسىنىڭ مەملەكەتتiك ءتاۋەلسiزدiگi تۋرالى» كونستيتۋتسيالىق زاڭى قابىلدانعان كەزەڭ بولىپ تابىلادى. اتالعان زاڭنىڭ 6-شى بابىندا بەلگىلەنگەندەي, تاريحي تاعدىر ورتاقتاستىعى قازاق ۇلتىمەن بىرىكتىرگەن رەسپۋبليكانىڭ بارلىق ۇلتتارىنىڭ ازاماتتارى قازاقستاننىڭ بiرتۇتاس حالقىن قۇرايدى, بۇل حالىق قازاقستان رەسپۋبليكاسىنداعى ەگەمەندiكتiڭ بiردەن-بiر يەسi جانە مەملەكەتتىك بيلىكتىڭ قاينار كوزi بولىپ تابىلادى, قازاقستان رەسپۋبليكاسىنىڭ كونستيتۋتسياسى مەن زاڭدارى نەگiزiندە تiكەلەي دە, سونداي-اق, ءوزى سايلايتىن مەملەكەتتiك ورگاندار ارقىلى دا مەملەكەتتiك وكىمەت بيلiگiن جۇزەگە اسىرادى.
قازاقستاننىڭ كوپ ۇلتتى حالقى وسىنداي زاڭدى كوپتەن بەرى كۇتكەن بولاتىن. اتالعان كونستيتۋتسيالىق زاڭ ساياسي قۇقىقتىق جانە ەكونوميكالىق قايتا قۇرۋداعى ىرگەتاسى بولىپ, قازاقستاننىڭ تاۋەلسىزدىگى مەن ەگەمەندىگىنە نەگىز بولدى.
مىسالى, 1993 جىلدىڭ 28 قاڭتارىندا قازاقستان رەسپۋبليكاسىنىڭ ءبىرىنشى كونستيتۋتسياسى قابىلداندى. 1995 جىلدىڭ 30 تامىزىندا جالپىحالىقتىق رەفەرەندۋمدا قازاقستان رەسپۋبليكاسىنىڭ جاڭا كونستيتۋتسياسى قابىلداندى. دامىعان مەملەكەت قۇرۋدا 1997 جىلدىڭ قازانىندا قابىلدانعان «قازاقستان – 2030» ستراتەگياسى نەگىز بولدى.
جالپى, ەگەمەندى قازاقستاننىڭ 21 جىل وتكەن كەزەڭىندە قازاقستاننىڭ الەۋمەتتىك-ەكونوميكالىق تۇراقتى دامۋىن قامتاماسىز ەتۋ ءۇشىن, مەملەكەتتىك جانە قوعامدىق ينستيتۋتتاردىڭ دامۋىنا ارنالعان كوپتەگەن ماڭىزدى زاڭ اكتىلەرى قابىلدانعان بولاتىن.
مەملەكەت باسشىسى ايتقانداي, ەلىمىز ءۇشىن وتكەن ەكى ونجىلدىق ساياسي ءجانە ەكونوميكالىق تۇرعىدا وتە ماڭىزدى رەفورمالاردىڭ جۇزەگە اسۋىمەن, جاڭا مەملەكەتتىڭ ورنىعۋىمەن, الەم ەلدەرىمەن قارىم-قاتىناستى نىعايتۋمەن بايلانىستى اسا سەرپىندى كەزەڭ بولعانى انىق.
بۇگىندە قازاقستاندىقتار وتكەن كۇندەرگە كوز جۇگىرتىپ, ءبىزدىڭ قازاقستان ءوزىنىڭ 21 جىل تاۋەلسىزدىگىندە, حالىق ءوزىنىڭ ىنتالى ەڭبەگىنىڭ ارقاسىندا, كوشباسشىسى ن.نازارباەۆپەن بىرگە بارلىق سالادا وراسان ءناتيجەلەرگە قول جەتكىزىپ, ساپانىڭ جاڭا ساتىسىنا شىققانىن كورىپ ءجۇر. بۇگىنگى تاڭدا, قازاقستاندى تاۋەلسىز مەملەكەت رەتىندە بۇكىل الەم تانيدى. قازاقستان ءوزىنىڭ ساليقالى ساياساتىنىڭ ارقاسىندا دۇنيە ءجۇزىندە لايىقتى ورنىن الدى.
بۇگىنگى كۇندە ءبىز, قازاقستاندىقتار, حالىقارالىق الاڭدا قۇرمەت ەتەتىن ەگەمەندى مەملەكەت قۇردىق. ءبىز قاۋىپسىزدىكتى جانە ەلدىڭ اۋماقتىق تۇتاستىعىن قامتاماسىز ەتەمىز. ءبىز اينالامىزداعى كورشىلەرىمىزبەن دوستىق قارىم-قاتىناستامىز. قازاقستاننىڭ قازىرگى زامان تالاپ ەتەتىن سۇراقتارعا لايىقتى دەڭگەيدە جاۋاپ بەرۋگە مۇمكىندىگى بار.
ەڭ باستىسى, بۇگىن قازاقستاندىقتار بالا-شاعاسىنىڭ جانە نەمەرەلەرىنىڭ كەلەشەگىن قاۋىپتەنبەي, بولاشاققا سەنىمدىلىكپەن قاراي الادى. ءبىز ولارعا كۇشتى جانە وركەندەگەن مەملەكەت تابىس ەتۋىمىز كەرەك جانە ءبىزدىڭ حالىق ءوزىنىڭ كوشباسشىسى ن.نازارباەۆتىڭ باستاماسىمەن جاڭا جەتىستىكتەر مەن جەڭىستەرگە ۇمتىلۋدا.
ءدال وسىنى تاريح بىزگە, اتامەكەنىمىز قازاقستان ءۇشىن جاۋاپكەرشىلىكتى سالىپ ءبىزدىڭ زامانعا تاۋەلسىزدىگىمىزدىڭ باسىندا تۇرۋعا مۇمكىندىك بەردى. قازاقستاننىڭ جاڭا تاريحىندا قۇقىقتىق مەملەكەت قۇرۋ بارىسىندا ءادىلەت ورگاندارى بەلسەندى قاتىسىپ, جاس مەملەكەتتىڭ قالىپتاسۋىنا جانە نىعايۋىنا, قۇقىقتىق ساياساتىن ىسكە اسىرۋدا ءوز ۇلەسىن قوسىپ كەلەدى.
وسى مەرەكە بىزگە, بارشا قازاقستاندىقتارعا, وركەندەۋدىڭ بىرلىكتىڭ, ىنتىماقتىڭ جانە تاتۋلىقتىڭ كەپىلى بولا بەرسىن.
قانات مۋسين,
استانا قالاسى ادىلەت دەپارتامەنتىنىڭ باستىعى