پوەزيا قاينارىنان سۋسىندادى

ەلورداداعى №5 بالالار كىتاپحاناسىندا قازاقستاننىڭ حالىق جازۋشىسى فاريزا ­وڭعارسىنوۆانىڭ 80 جىلدىعىنا وراي «ولەڭ مەن سەنى ايالاپ وتەم…» اتتى اقىن وقۋلارى ءوتتى. بۇل بايقاۋدى ورتالىقتاندىرىلعان كىتاپحانالار جۇيەسى ۇيىمداستىردى.اقىن وقۋلارىنا قالانىڭ 15 مەكتەبىنەن 5-11 سىنىپ ارالىعىنداعى 80 وقۋشى مەن پوليتەحنيكالىق جانە قارجى كوللەدجىنىڭ ستۋدەنتتەرى قاتىستى.
بيىل «قازاق پوەزياسىنىڭ پاديشاسى» اتانعان اقىن اپامىزدىڭ مەرەيتويى تۋعان جەرى – اتىراۋدا باستالىپ, ەلوردادا جالعاسىن تاپتى. باس شاھاردا ارداقتى تۇلعاعا كوشە بەرىلىپ, جاۋھار جىرعا تولى سىرلى كەش ءوتتى. اقىننىڭ جىر كىتابىنىڭ تانىستىرىلىمى مەن ول تۋرالى جازىلعان سپەكتاكل قويىلدى. قابىر­عالى قالامگەردىڭ تويى مۇنىمەن توقتاپ قالعان جوق. بالالار كىتاپحاناسى فاريزا وڭعارسىنوۆانىڭ ءدال تۋعان كۇنى – 5 جەلتوقسانعا ورايلاس­تىرىپ ۇيىمداستىرعان بايقاۋ دا وسى تويدىڭ جالعاسى دەۋگە بولادى.
فاريزا وقۋلارىنا مادەنيەت قايراتكەرى, ۇستاز وسپان سۇلەيمەنوۆ, جۋرناليست كۇلاش مولداحمەتوۆا جانە ايدانا سەگىزباەۆا, ايجان تاباراكقىزى سەكىلدى جاس اقىندار قازىلىق ەتتى.
بايقاۋعا قاتىسۋشىلار اقىن ولەڭدەرىن جاتقا وقىپ, جينالعان قاۋىمدى پوەزيا قاينارىنان سۋسىنداتتى. سونداي-اق شايىردىڭ سوزىنە جازىلعان اندەردى دە ورىندادى.
سونىمەن اقىن وقۋلارى بايقاۋىنداعى 5-8 سىنىپتار اراسىنداعى سايىستا №10 مەكتەپ-گيمنازياسىنىڭ وقۋشىسى ارۋجان تولەگەنوۆا ءبىرىنشى ورىن الدى. 9-11 سىنىپتار اراسىندا ءيمانجۇسىپ قۇتپانۇلى اتىنداعى ورتا مەكتەپتىڭ وقۋشىسى ماقپال راحاتقىزىنىڭ باعى جاندى. ارنايى جۇلدە ىڭكار مەرگەنگە بۇيىردى. جۇلدەگەرلەر باعالى سىيلىقتارمەن ماراپاتتالدى.