استانا قالاسىنىڭ اكىمدىگى بۇقارالىق اقپارات قۇرالدار وكىلدەرىنىڭ كاسىبي مەرەكەسىنە وراي وسى سالادا جەمىستى ەڭبەك ەتىپ جۇرگەن ءبىر توپ جۋرناليستەردى قۇتتىقتادى.
راسىندا, قوعامنىڭ قوزعاۋشى كۇشى سانالاتىن, قالام يەلەرىنە جۇكتەلەتىن مىندەت قاشان دا سالماقتى. سوندىقتان دا, ولار قانداي قۇرمەتكە بولسىن لايىقتى. ومىردەگى ادىلەتسىزدىككە, نەمقۇرايلىققا, جالپى, قاي جەردە ادامزاتقا قاجەتتى دۇنيەنىڭ ورنى ويسىراپ تۇرعان كەزدە, سول اراعا ەڭ الدىمەن جەتەتىن جۋرناليستەر ەكەنى انىق. وسى ورايدا استانا قالاسى ىشكى ساياسات باسقارماسى باستىعىنىڭ مىندەتىن اتقارۋشى ءالنۇر سەيدۋمانوۆ شاراعا قاتىسىپ وتىرعان ءبىر توپ ارىپتەستەرىمىزدى قۇتتىقتاي كەلىپ: « ەل تاۋەلسىزدىگىن نىعايتۋدا جۋرناليستەردىڭ اتقارىپ وتىرعان قىزمەتى ەرەن. بۇگىنگى اقپارات مايدانى قىزعان شاقتا سىزدەرگە ءتۇسىپ وتىرعان سالماق تا اۋىر. سوندىقتان سىزدەردى كاسىبي مەرەكەلەرىڭىزبەن شىن جۇرەكتەن قۇتتىقتايمىن» دەپ تىلەگىن ءبىلدىردى. ودان كەيىن استانا قالاسىنىڭ اكىمىنىڭ كەڭەسشىسى ميحيل چيركوۆ ءسوز الىپ, باق وكىلدەرىنە ىزگى لەبىزىن ءبىلدىرىپ, ەلوردانىڭ العاشقى ءباسپاسوز حاتشىسى بولعان سادىبەك تۇگەل, قارت جۋرناليست مويسەي گولدبەرگ, «استانا» تەلەارناساىنىڭ باس ديرەكتورى ءلاززات تانىسباي, «قازاقستان» تەلەراديوكورپاراتسياسى» اق باسقارما ءتورايىمى نۇرجان مۇحامەدجانوۆا, «استانا اقشامى» جشس-ءنىڭ ديرەكتورى سەرگەي كۋزوۆنيكوۆ, «استانا اقشامى» گازەتىنىڭ باس رەداكتورى اياعان ساندىباي جانە تاعى باسقا دا جۋرناليستەرگە استانا اكىمى ادىلبەك جاقسىبەكوۆتىڭ اتىنان العىس حات پەن ارنايى سىيلىق تابىس ەتتى.
ازامات ەسەنجول
