قالدىقتار قايتا وڭدەلەدى
بولات احمەتوۆ, استانا قالاسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باستىعى
– بولات يزاتوللاۇلى, وسى اپتادا قالاداعى تۇرمىستىق قالدىقتاردى سۇرىپتاۋ مەن قايتا وڭدەۋ زاۋىتى ىسكە قوسىلدى. جوبانىڭ قۋاتى قانداي؟
– استانا قالاسىنىڭ ستراتەگيالىق جوسپارىندا 2030 جىلعا دەيىن قالدىقتاردى ازايتۋ جانە تازارتۋ كوممۋنالدىق شارۋاشىلىقتىڭ باستى مىندەتى بولىپ بەلگىلەنگەن. ءدال قازىرگى كۇنى ءوندىرىس پەن تۇتىنۋ قوقىستارى – 164, ال كوممۋنالدىق شارۋاشىلىق قالدىقتارى 154 پايىزعا وسكەن. ءتىپتى, 2010 جىلى مۇنداي ءۇيىندىلەردى جويۋعا قالالىق بيۋدجەتتەن 20 ميلليون تەڭگە ءبولىندى. سوندىقتان, قالا باسشىلىعى مىندەتتەلگەن مەجەگە دەيىن جويىلاتىن قالدىقتاردى 80 پايىزعا دەيىن ازايتۋدى قاراستىرۋدا. سونىڭ ءبىر ايعاعى – قوقىس قالدىقتارىن وڭدەيتىن زاۋىتتىڭ پايدالانۋعا بەرىلۋى. جالپى, زاۋىتتى سالۋعا 36 ملن ەۋرو جۇمسالدى. جىلىنا 250 مىڭ توننا قوقىس وڭدەيتىن قۋاتى بار.
– باس قالادا لايىقتى ءومiر ءسۇرۋ كوبiنە كوممۋنالدىق قىزمەتتىڭ كۇش-جiگەرiنە بايلانىستى. الايدا, قۇرىلىس قارقىندى ءجۇرىپ جاتقان ەلوردادا شارۋاشىلىق قالدىقتار مولشەردەن ارتىق شىعار؟
– قالادا ساعاتىنا 18,5 توننا تۇرمىستىق قالدىقتار جينالادى. پوليگوندا جينالاتىن قالدىقتاردىڭ ورتاشا تاۋلiكتiك كولەمi – 800 توننا. ونىڭ 200 تونناسى – قۇرىلىس جانە ونەركاسiپ قالدىقتارى بولسا, قالعان 600 تونناسى قاتتى-تۇرمىستىق قالدىقتاردىڭ ۇلەسiنە تيەدi. ونىڭ قولدانىستاعى جيناقتالۋ نورماسى بiر ادامعا جىلىنا 2,16 تەكشە مەتر عانا بولۋى ءتيىس.
ايتۋ كەرەك, اتالعان زاۋىتتا قوقىس قالدىقتارى سۋ وتپەيتىن, ءيىسى شىقپايتىن, شىرىمەيتىن بريكەت تۇرىندە نىعىزدالىپ, پوليگونعا شىعارىلادى. كاسىپورىننىڭ 350 ادامدى جۇمىس ورنىمەن قامتۋعا مۇمكىندىگى بار.
– زاۋىت تەحنولوگياسىنىڭ ارتىقشىلىعى نەدە؟
– ەنگىزىلىپ وتىرعان قالدىق وڭدەۋدىڭ تەحنولوگياسى قاتتى-تۇرمىستىق قالدىقتاردى كومۋ تەحنولوگياسىمەن سالىستىرعاندا, بىرقاتار ارتىقشىلىقتارعا يە. بىرىنشىدەن, قوقىس پوليگونىنا بەرىلگەن جەر كولەمى ازايادى. ەكىنشىدەن, جەراستى سۋلارى مەن اتموسفەرالىق اۋا لاستانبايدى. ۇشىنشىدەن, ەكىنشى رەتتىك ءونىم جانە سوڭعى ءونىم الىنادى. ءبىر سوزبەن ايتقاندا, قۇرىلىس ماتەريالدارى, قالانىڭ سانيتارلىق تازالىعى بيۋدجەتتىڭ دوتاتسيالىق جولىنان ءتيىمدى وندىرىسكە اينالادى. زاۋىت كەشەنى بىرەگەي كاسىپورىن. ازىرگە تمد مەن ورتالىق ازيادا ونىڭ بالاماسى جوق. سونىمەن قاتار قالانىڭ قاجەتتىلىگىن تولىقتاي وتەۋگە قاۋقارلى.
گۇلميرا ايماعانبەت