استانا قالاسى قوعامدىق كەڭەسىنىڭ كەزەكتى وتىرىسىندا اكىمدىكتىڭ بىرنەشە نورماتيۆتىك قۇقىقتىق اكتىلەرىنىڭ جوبالارى قارالدى.
اۋىلشارۋاشىلىعى باسقارماسىنىڭ تاراپىنان تۇسكەن «باسىم داقىلداردىڭ ءتىزىمى مەن سۋبسيديالاۋ نورمالارى بەكىتۋ تۋرالى» جانە قالا اۋماعىندا جارمەڭكەلىك ءىس-شارالار ۇيىمداستىرۋ ءتارتىبىنىڭ جوبالارىنا كەڭەس مۇشەلەرى ءوز ۇسىنىستارىن ايتتى. اتاپ ايتقاندا, اۋىلشارۋاشىلىق ونىمدەرى جارمەڭكەلەرىنىڭ تالاپقا ساي بولىپ, ساتىلاتىن ونىمدەردىڭ ساپاسى مەن باعاسى تارتىمدى بولۋىن قاداعالاۋ قاجەتتىگىن ەسكەرتتى. جانە مۇنداي جارمەڭكەلەردى قالا بويىنشا كوپتەگەن ورىنداردا تۇراقتى تۇردە ۇيىمداستىرۋ ارقىلى تۇرعىندارعا قولايلى ەتۋ مۇمكىندىگىن قاراستىردى.
استانا قالاسىنىڭ اقىلى كوشەلەرىمەن ءجۇرىپ ءوتۋ ءۇشىن اقى الۋ ءتارتىبىن ەنگىزۋ جوباسى جونىندە جولاۋشىلار كولىگى باسقارماسىنىڭ باسشىسى ەدىل سۇلەيمەنوۆ ءوز اقپاراتىمەن ءبولىستى. بۇل رەتتە دە كەڭەس مۇشەلەرى الدىن الا ءتۇسىندىرۋ جۇمىستارىنا ءمان بەرۋ كەرەكتىگىن ەسكەرتىپ, جاڭا جوبانى قولدايتىندارىن ءبىلدىردى. ءالى دە حالىق تالداۋىنا ۇسىنىلاتىن جاڭا جوبا قالا كوشەلەرىندەگى كولىك كەپتەلىستەرىن جەڭىلدەتۋگە جانە اۆتوكولىك قۇرالدارىنان بولىنەتىن اۋانى لاستايتىن زياندى زاتتاردىڭ مولشەرىن ازايتۋعا زور مۇمكىندىك رەتىندە باسىمدىق بەرىلمەك. قوعامدىق كەڭەس مۇشەلەرىنىڭ كوپ سۇراقتارىن تۋىنداتقان ماسەلەنىڭ ءبىرى – مەكتەپكە دەيىنگى تاربيەلەۋ مەكەمەلەرىندە قاتىستى بولدى. ءبىلىم باسقارماسىنىڭ ەسەبىن تىڭداعان كەڭەس مۇشەلەرى وسى كۇنگە دەيىن كەزەكتە تۇرعان سابيلەردىڭ تولىق ءتىزىمىن انىقتاپ, ءبىر اي كولەمىندە ناقتى مالىمەت ۇسىنۋىن تالاپ ەتتى.
ايگۇل ۋايسوۆا
