كەشە قحر-دىڭ قازاقستانداعى ەلشىلىگى دەمەۋشىلىگىمەن ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ فيلولوگيا فاكۋلتەتىندە زاماناۋي تەحنولوگيامەن جابدىقتالعان «قىتاي ءتىلى ارنايى ءدارىسحاناسىنىڭ» اشىلۋ ءراسىمى ءوتتى.
جالپى, قازاقستان مەن قىتاي مەملەكەتتەرىندە ءوزارا ديپلوماتيالىق قاتىناس ورناعاننان كەيىن ەكى ەل اراسىنداعى ىنتىماقتاستىق بايلانىس سان-سالا بويىنشا دامۋ ۇستىندە. وسىعان وراي قازاقستاندا قىتاي تىلىنە دەگەن قىزىعۋشىلىق تا كۇن ساناپ ارتىپ كەلەدى. ەكى ەل قارىم-قاتىناسىنىڭ وسىلايشا قارقىندى دامۋىنا ىلەسىپ, قازاقستاننىڭ ەڭبەك نارىعىندا قىتاي ءتىلى ماماندارىنا دەگەن سۇرانىس تا ارتىپ وتىر. سونى ەسكەرگەن ۋنيۆەرسيتەت باسشىلىعى 2011 جىلى قىتاي ءتىلى كافەدراسىن اشقان ەدى. فيلولوگيا فاكۋلتەتىنىڭ جانىنان قۇرىلعان ونداعى وقىتۋشىلار ەكى جىل بويى «شەتەل فيلولوگياسى: قىتاي ءتىلى» ماماندىعى بويىنشا باكالاۆرلار دايارلاپ كەلەدى. سونداي-اق, كافەدرا قحر-دىڭ قازاقستانداعى ەلشىلىگىمەن جاقسى بايلانىس ورناتقان. سونىڭ ايعاعى رەتىندە وتكەن جىلى قىتايدىڭ قازاقستانداعى ەلشىلىگى وقىتۋشىلاردىڭ شاكىرتتەرگە ساپالى ءبىلىم بەرۋىنە قولداۋ كورسەتۋ ءۇشىن ءبىر ءدارىسحانا اشىپ بەرۋدى ۋادە ەتكەن. ەندى, مىنە, ءبىز سول ءدارىسحانانىڭ تولىقتاي جاساقتالىپ بولعانىن كورىپ قايتتىق. اشىلۋ راسىمىنە ارنايى كەلىپ قاتىسقان پارلامەنت دەپۋتاتتارى ءادىل احمەتوۆ, قۋانىش سۇلتانوۆ, يكرام ادىربەكوۆ, جانىبەك كارىبجانوۆ, قحر-دىڭ قازاقستانداعى توتەنشە جانە وكىلەتتى ەلشىسى چجوۋ لي, ەۇۋ رەكتورى ەرلان سىدىقوۆ, سونىمەن قاتار, ەلىمىزدىڭ بەلگىلى مەملەكەت جانە قوعام قايراتكەرلەرى الداعى ۋاقىتتا جاڭا كابينەتتە جۇرگىزىلەر جۇمىستارعا ساتتىلىك تىلەپ تارقاستى.
ءمولدىر حالىقوۆا
