بۇگىن ەلوردادا «Rukhtylar» قوعامدىق قورى قۇرىلدى. ازاماتتىق باستامالار ورتالىعىندا وتكەن قوردىڭ سالتاناتتى اشىلۋ راسىمىنە استاناداعى وزگە دە قور وكىلدەرى مەن استانا قالالىق ىشكى ساياسات باسقارماسىنىڭ باسشىسى داۋرەن بابامۇراتوۆ قاتىستى.
– بۇگىن مىنە ەلورداداعى قوعامدىق قورلار قاتارى تاعى ءبىر جاڭا ۇيىممەن تولىعىپ وتىر. بۇل قور سوڭعى 3-4 جىلدا ەلوردادا ءار ءتۇرلى قوعامدىق باستامالاردىڭ باسى-قاسىندا جۇرگەن ازاماتتاردىڭ باسىن بىرىكتىرە وتىرىپ قۇرىلىپ وتىر. ءبىز مۇنى قۇپتاپ, قولدايمىز. قادامى قۇتتى بولسىن دەيمىز! بۇل تەك باسى عانا, الدا سىزدەردى ۇلكەن جاۋاپتى جۇمىستار كۇتىپ تۇر. ءاربىر جاڭادان قۇرىلعان ۇكىمەتتىك ەمەس ۇيىمعا ءبىز قۋانامىز, قاشان دا كومەكتەسىپ, كەڭەس بەرۋگە باسقارما دايىن, – دەدى د. بابامۇراتوۆ.
قوردىڭ قۇرىلتايشىسى ءمولدىر ومارحانقىزى جاڭا ۇيىمنىڭ باعىتى, ماقسات-مىندەتتەرىمەن تانىستىردى. قور ازاماتتاردىڭ ەرiكتi مۇلiكتiك جارنالارى نەگiزiندە قۇرىلعان. ول الەۋمەتتiك, قايىرىمدىلىق, مادەني, بiلiم بەرۋ جانە وزگە دە قوعامعا پايدالى ماقساتتاردى كوزدەيدى. سونىمەن قاتار سپورتتىق ءىس-شارالاردى ۇيىمداستىرۋعا اتسالىسىپ, ءتىل ماسەلەسىنە دە بەي-جاي قارامايدى.
– «تۇرىك ءتىلىنىڭ ىشىندەگى گاۋھارى – قازاق ءتىلى» دەگەن ءماشھۇر ءجۇسىپ. ءبىزدىڭ قوردىڭ ەڭ نەگىزگى باعىتى – الەمدىك قوعامداستىقتا مەملەكەتتىك ءتىل مەن ادەبيەتىنىڭ الەۋەتىن قولداۋ جانە ناسيحاتتاۋ, مەملەكەتتىك ءتىلدى ۇيرەنۋدى ىنتالاندىرۋعا باعىتتالعان جوبالاردى قولداي وتىرىپ, قازاق ءتىلىنىڭ قولدانۋ اياسىن كەڭەيتۋ. ءبىزدىڭ قور زاڭ اياسىندا مەملەكەتتىك ءتىلىمىزدىڭ ەلىمىزدە كەڭ ناسيحاتتالۋىنا ۇلەس قوسقىسى كەلەدى. مەملەكەتتىڭ ەكونوميكالىق, الەۋمەتتىك, مادەني دامۋىندا ۇكىمەتتىك ەمەس ۇيىمدار وراسان زور ءرول وينايدى. قوعامنىڭ ازاماتتانۋىنا دۇرىس باعىتتى كورسەتىپ بەرەتىن بىردەن ءبىر قۇرال مەملەكەتتىك ەمەس قوعامدىق ۇيىمدار بولىپ تابىلادى! قازىرگى تاڭداعى ءاربىر ءىس-ارەكەتىمىز ەرتەڭگى ۇرپاققا ۇلگى بولۋى شارت!- دەيدى م. ومارحانقىزى.
ودان ءارى قور باسشىسى ايناگۇل مۇزافار, «قارا شاڭىراق» رقب ديرەكتورى تۇرار شاكەن, حالىقارالىق «قازاق ءتىلى» قوعامدىق بىرلەستىگىنىڭ استانا قالاسى بويىنشا فيليالى توراعاسىنىڭ ورىنباسارى ايدىن قۇماربەكۇلى ءسوز الىپ, ۇيىمنىڭ الداعى جۇمىستارىنا تابىس تىلەدى.
