ءبىزدىڭ مەكتەپ-گيمنازيادا قازاق, ورىس تىلدەرىمەن قاتار اعىلشىن, فرانتسۋز, نەمىس تىلدەرى وقىتىلادى. وقۋشىلار وسى تىلدەردە ءوز ويلارىن ەركىن جەتكىزۋمەن بىرگە ءارتۇرلى تاقىرىپتاردا پىكىر تالاستىرىپ, ءان دە ايتادى. «ءتىل – ويدىڭ بەينەسى» تاقىرىبىندا مەكتەبىمىزدە وتكەن شەتەل تىلدەرى پاندەرىنىڭ ونكۇندىگى بارىسىندا وعان انىق كوز جەتكىزدىك.
وقۋشىلاردىڭ اعىلشىن, فرانتسۋز, نەمىس تىلدەرىندەگى ءوز بىلىمدەرىن جيناقتاپ, كورسەتۋىنە, سونداي-اق, ولاردىڭ شەتەل تىلدەرىنە دەگەن قىزىعۋشىلىعىن ارتتىرۋ ماقساتىندا ۇيىمداستىرىلعان وسى شارانى وتكىزۋگە الدىن الا جوسپار قۇرىلدى. ءىس-شارانى جۇرگىزۋ بارىسىندا ساحنا بەزەندىرىلىپ, ادەبي كىتاپتار مەن وقۋشىلاردىڭ شىعارماشىلىق جۇمىستارىنان كورمە ۇيىمداستىرىلدى. تاقىرىپقا ساي ستەندتەر جاسالىنىپ, قاناتتى ءسوزدەر جازىلىپ, سلايدتار كورسەتىلدى. اعىلشىن ءتىلى ءپانى ەرتە جاستان باستاپ وقىتىلاتىن بولعاندىقتان, سول ءپاننىڭ مۇعالىمدەرىنە سالماق كوبىرەكتەۋ ءتۇستى. وقۋشىلار وزدەرىنىڭ ەرتە جاس-تان باستاپ اعىلشىن ءتىلىن وقىپ قانا قويماي, ونى جاقسى مەڭگەرگەندىكتەرىن «سinderella, Three bears, Magic lake, Alice in Wonderland 6The Wind and the Sun» قويىلىمدارىن قويۋ بارىسىندا بايقاتتى.
فرانتسۋز ءتىلى كۇنىندە وقۋشىلار فرانتسيا ەلىنىڭ تۋى تۇستەس گالستۋكتەر تاعىپ, سول تىلدە ءان ايتىپ, بي بيلەپ, ساحنالىق قويىلىمدار كورسەتتى.
نەمىس ءتىلى كۇنى وقۋشىلار نەمىس ءبيىن بيلەپ, سول تىلدە قۇستار ءانىن سايراتتى. كەش «Immer scheine die Sonne» انىمەن اياقتالدى. بۇل رەتتە ا.جەكسەنباەۆا, د.احمەتوۆا, ي.ابدىقالىقوۆا, ن.جاقىپبەكوۆا, ج.جولىمبەتوۆا, س.ايداربەكوۆا, ا.كۋبەكوۆا, گ.توقمۋرزينا, ك.بەرداكوۆا, گ.جۇكەنوۆا سىندى ۇستازداردىڭ ەڭبەگى ەرەكشە.
جالپى, ونكۇندىكتى وتكىزۋدە قويعان ماقساتىمىزعا جەتتىك. وعان جەتكىنشەكتەردىڭ پىكىرلەرى دالەل. ماسەلەن, مەكتەبىمىزدىڭ 9-سىنىپ وقۋشىسى بەيىمبەت مولداعالي شەتەل تىلدەرىنىڭ ونكۇندىگى وزىنە قاتتى ۇناعانىن, اسىرەسە, سىنىپتاس دوسى ءالفارابي ايماقوۆ ابايدىڭ «كوزىمنىڭ قاراسى» ءانىن قازاق, ورىس, اعىلشىن جانە نەمىس تىلدەرىندە ورىنداعاندا, كوپشىلىكتىڭ ءبىر سەرپىلگەنىن جاسىرمادى. «شەتەل تىلدەرىن بوسقا وقىپ جاتپاعانىمىزعا كوزىمىز جەتتى. شارا بارىسىندا تاقپاقتاردى, قويىلىمداردى جاقسى ءتۇسىنىپ, سول ەلدەردىڭ ءداستۇرىن, تاريحىن بىلەتىنىمىزدى ماقتانىشپەن ايتا الامىن», – دەدى بەيىمبەت. ال, نەمىس ءتىلىن 2-سىنىپتان باستاپ وقيتىن 4 «گ» سىنىبىنىڭ وقۋشىلارى بولسا, وسى ءتىلدىڭ وزدەرىنە ۇنايتىنىن, مەرەكە بارىسىندا جاقسى ونەر كورسەتىپ, «Der Zirkus kommt جانە Der Wolf und die Hexe» قويىلىمدارىن قويعاندارى ءۇشىن ماقتاۋ قاعازىمەن ماراپاتتالعاندارىن ايتتى. شارا بارىسىندا كاميلا نۇرماعانبەتوۆا, ىڭكار قاجىبەك, رايحان بالتاباي, ارۋجان نۇرۋللا, بەيىمبەت مولداعالي, ىڭكار ەلەن, سەرىك راحىمقۇلوۆ, ايىم ەسىمسەيىتوۆا دا ەرەكشە كوزگە ءتۇستى.
ەلباسى ايتقانداي, باسەكەگە قابىلەتتى ۇرپاق تاربيەلەۋ ءۇشىن بالالار ءۇش ءتىلدى مەڭگەرۋى كەرەك. سوندىقتان, الداعى ۋاقىتتا بىرلەستىك باسشىسى سالتانات ايداربەكوۆانىڭ جەتەكشىلىگىمەن مۇنداي شارالار جالعاسىن تابادى دەگەن ۇمىتتەمىز.
كامالحان توقتاعازينا,
ج.جاباەۆ اتىنداعى №4 مەكتەپ-گيمنازياسى نەمىس ءتىلى ءپانىنىڭ مۇعالىمى
