سلاۆيان جازۋى مەن مادەنيەتى كۇنىنە وراي, № 65 مەكتەپ-گيمنازيادا «سلوۆو و سلوۆە» اتتى قالالىق جاس اقىندار بايقاۋى ءوتتى. شارانى قالالىق تىلدەردى دامىتۋ جانە ءبىلىم باسقارمالارى ۇيىمداستىردى. بايقاۋعا قالا مەكتەپتەرىنەن 16 وقۋشى قاتىسىپ, وزدەرىنىڭ مەرەكەگە ارناعان ولەندەرىن وقىدى. جىل سايىن ورىس مەكتەپتەرى اراسىندا عانا وتەتىن بۇل بايقاۋ بيىل العاش قازاق مەكتەپتەرى اراسىندا ءوتىپ وتىر. بايقاۋدىڭ بايگەسىن «دارىندى قىز بالالارعا ارنالعان ليتسەي-ينتەرناتتىڭ» وقۋشىلارى ماليكا قۇراقباەۆا مەن سايدا سامات جەڭىپ الدى. جەڭىمپازدارعا ديپلومدار مەن باعالى سىيلىقتار تاپسىرىلدى. سونداي-اق, ولارعا ارنايى شىعارىلعان جىر جيناعى تابىس ەتىلدى. بۇل بايقاۋ الداعى ۋاقىتتا دا جالعاسىن تاپپاق.
جانار سالىباي,
ەۇۋ-ءدىڭ جۋرناليستيكا جانە ساياساتتانۋ
فاكۋلتەتىنىڭ 1-كۋرس ستۋدەنتى
