تەلەديدار ادامنىڭ ىشكى ويى مەن پىكىرىنە جاسىرىن اسەر ەتىپ, سانانى باسقارۋدى جۇزەگە اسىرۋدىڭ نەگىزگى ارناسى بولىپ تابىلادى. مامانداردىڭ جانە پسيحولوگتاردىڭ جيىرما جىلعا جۋىق جان-جاقتى جاساعان زەرتتەۋ ناتيجەلەرى تەلەديدارعا تاۋەلدىلىكتىڭ ارتىپ كەلە جاتقانىن ايتادى.
تەلەونىمدەر – رۋحاني ەسىرتكى سەكىلدى «تاۋار». تەلەديداردىڭ گيپنوزداۋ ارەكەتى – اقپاراتتىق جاڭالىقتار مەن كوڭىل كوتەرەتىن باعدارلامالار ارقىلى ادامنىڭ باسىم ۋاقىتىن كوگىلدىر ەكران الدىندا وتكىزۋگە مۇقتاج ەتۋ. زەرتتەۋ ناتيجەلەرىنە سۇيەنسەك, بۇگىندە كوپشىلىكتىڭ كوگىلدىر ەكرانعا تاۋەلدىلىگى ۇلعايعان.
تەلەديداردى «ەسىرتكى» دەپ قاراستىراتىن بولساق, حالىق تەلەباعدارلاما ەتيكاسىنىڭ باقىلاۋىنان شىققان ونىمدەردى پايدالانادى. الايدا, ونىڭ پسيحيكاعا جانە مىنەز-قۇلىققا اسەرىنە باعالاۋ جۇرگىزە المايدى. ونىڭ ۇستىنە كەرى ىقپالىن تيگىزىپ جاتقان جاعدايلاردىڭ وزىندە دە, تۇتىنۋدى جالعاستىرىپ, وعان «تاۋەلدى» بولادى.
بۇگىندە ادامداردىڭ تەلەديدارعا تاۋەلدىلىگى جالپىلىق بولىپ ەسەپتەلەدى. كەيبىر ساناتتى ادامدار اراسىندا (اسىرەسە بالالار مەن جاسوسپىرىمدەر) ەكرانعا تاۋەلدىلىك ايتارلىقتاي زيانىن تيگىزىپ وتىر, ونىڭ ىشىندە دەنساۋلىعىنا دا كەرى اسەر ەتەدى. دۇرىس قالىپتاسىپ كەلە جاتقان بالا مەن جەتكىنشەكتەردىڭ ءوزى تەلەديدار باعدارلامالارىنان باس تارتا المايدى-مىس.
مامان تىلىمەن ايتساق, تەلەسيگنالدار بەرىلگەندە ادامنىڭ پسيحيكاسى كودتالادى. ەڭ ءبىرىنشى كەزەكتە كەز كەلگەن اقپارات سانادان تىس ويلاۋ جۇيەسىنە كەلىپ تۇسەدى. سودان كەيىن بارىپ سانالىق ارەكەتكە ەنەدى. تەلەترانتسيالاۋ ارقىلى ينديۆيد پەن بۇقارانىڭ سانالىق ءىس-قيمىلىن مودەلدەۋگە بولادى دەيتىنىمىز سوندىقتان. اقش عالىمدارى تەلەديداردىڭ ادام ساناسىنا تيگىزەر ىقپالى تۋرالى كوپتەگەن زەرتتەۋ جۇرگىزدى. ونىڭ ناتيجەلەرى: تەلەديدار ومىردەگى جوق شىنايلىلىقتاردى نەگىز ەتە وتىرىپ ەرەكشە الەمدى قالىپتاستىرادى. ونىڭ ۇستىنە ادام ءوزىنىڭ تۇيسىگىنە سايكەس ارەكەت ەتەتىن بولادى, ياعني تەلەديدار ادام قيمىل-ارەكەتتەرىن باعدارلامالاۋ قۇرالى بولىپ ەسەپتەلەدى. وسى جەردە ماڭىزدى جايت, تەلەارنا قىزمەتكەرلەرى كۇردەلى تاقىرىپتارعا ۇلكەن دايىندىقپەن كەلۋلەرى شارت. ەكىنشىدەن, جالپى كورەرمەندەردىڭ, ونىڭ ىشىندە دىنگە قاتتى سەنەتىندەر مەن اتەيستەردىڭ ورتاشا قالىپتى ستاتيستيكالىق تۇسىنىكتەرىن نازاردا ۇستاۋ كەرەك. ادامزات تەلەديدارعا «تاۋەلدى» جانە ونىڭ دەنساۋلىققا جانە باسقا دا جاعدايلارعا كەرى ىقپالىن بىلگەن كۇننىڭ وزىندە دە, تەلەونىمدەردى تۇتىنۋدى جالعاستىرۋدا. مەنىڭ ايتقىم كەلگەنى, ەفيرگە شىعاتىن بارلىق تەلەونىمدەر باقىلاۋسىز قالماسا ەكەن. مەملەكەت ەفيرگە شىعاتىن باعدارلامالاردى الدىن-الا ساراپتاعانى ابزال. بۇل – ازاماتتاردىڭ قالىپتى پسيحيكاسىنىڭ بۇزىلۋىنا جول بەرمەس ءۇشىن قاجەت.
ليمانا قۇتتىبەك,
پسيحولوگ
