ۇستىمىزدەگى جىلدىڭ 18 قاڭتارىندا قازاقستان رەسپۋبليكاسىنىڭ قىلمىستىق كودەسىنىڭ 242-بابىنا وزگەرىس ەنگىزىلىپ, دايىندالىپ جاتقان تەرروريزم اكتىسى تۋرالى كورىنەۋ جالعان حابارلاعانى ءۇشىن كىنالىگە تاعايىندالاتىن جازا مولشەرى ۇلعايتىلدى جانە اۋىر ساناتتاعى قىلمىستار قاتارىنا جاتقىزىلدى.
قىلمىستىق كودەكستىڭ 242-بابىنىڭ بۇرىنعى رەداكتسياسىندا ەكى جىلعا دەيىن باس بوستاندىعىنان ايىرۋ تۇرىندەگى جازا كوزدەلسە, قازىرگى قولدانىستاعى قىلمىستىق كودەكستە التى جىلعا دەيىن باس بوستاندىعىن ايىرۋ تۇرىندەگى جازا قولدانۋ كوزدەلگەن.
استانا قالاسى سارىارقا اۋدانىنىڭ اۋماعى بويىنشا وتكەن جىلدىڭ وزىندە قالالىق ىشكى ىستەر دەپارتامەنتىنە دايىندالىپ جاتقان تەرروريزم اكتىسى تۋرالى ازاماتتاردان 9 حابارلاما تۇسسە, بيىلعى جىلى 1 حابارلاما تۇسكەن. بۇل حابارلامالار حالىق كوپ شوعىرلاناتىن ورىنداردا جارىلعىش تەكتەس زات ورناتىلعاندىعى نەمەسە سەزىكتى زاتتىڭ تۇرعاندىقتارى جونىندە بولعان. بارلىق حابارلامالار قۇزىرلى مەملەكەتتىك ورگاندارىمەن مۇقيات تەكسەرىلىپ, ولاردىڭ بارلىعى ءوز ورىندارىن تاپپادى.
الايدا, ازاماتتاردىڭ قۇزىرلى ورگاندارعا جارىلعىش زاتىنا ۇقساس زاتتىڭ تۇرعاندىعى جونىندەگى ۇرەي تۋدىرىپ بەرگەن حابارلامالارىنان باسقا, تەلەفون ارقىلى قالجىڭداپ بومبانىڭ نەمەسە جارىلعىش زاتتىڭ ورناتىلعاندىعى جونىندە جالعان حابارلاۋشىلارى دا بار, ياعني تەلەفون لاڭكەستەرى. وسىنداي جالعان حابارلامالار تاراتۋدىڭ كوبەيۋى, قىلمىستىق كودەكستەگى جازانى قاتاڭداتۋعا سەبەپتىڭ ءبىرى بولعان.
وتكەن جىلى دايىندالىپ جاتقان تەرروريزم اكتىسى تۋرالى كورىنەۋ جالعان حابارلاما تاراتقانى ءۇشىن تەلەفون لاڭكەستەرىنە قارسى قر قك-ءنىڭ 242-بابىمەن ءۇش قىلمىستىق ءىس قوزعالدى.
ماسەلەن, بۇرىن سوتتى بولعان ا.ۆ.ليكين سەبەپسىزدەن-سەبەپسىز استانا قالاسىنىڭ ءىىد-ءنىڭ جەدەل باسقارۋ ورتالىعىنا تەلەفون ارقىلى مەملەكەتتىك ورگاندارعا ءتيىستى شارا قولدانباسا, استانا قالاسى, كوكشەتاۋ قيىلىسى 11-ۇيدە ورنالاسقان دۇكەندى جارىلعىش زاتپەن جاراتىندىعى جونىندە جالعان حابارلاما بەرگەن. ءوزىنىڭ قىلمىستىق ارەكەتىمەن ليكين قۇزىرلى مەملەكەتتىك ورگاندارعا 175 274 تەڭگە كولەمىندە شىعىن كەلتىرگەن.
وسى دەرەك بويىنشا استانا قالاسى سارىارقا اۋدانىنىڭ ءىىب-مەن ا.ۆ.ليكينگە قارسى قر قك-ءنىڭ 242-بابىمەن قىلمىستىق ءىس قوزعالىپ, قىلمىستىق ءىس ايىپتاۋ قورىتىندىسىمەن سوتقا جولداندى.
2012 جىلدىڭ قاڭتار ايىنىڭ 27-ءشى جۇلدىزىندا استانا قالاسى سارىارقا اۋدانىنىڭ №2 اۋداندىق سوتىنىڭ قاۋلىسىمەن ا.ۆ.ليكينگە قاتىستى قىلمىستىق ءىس راقىمشىلىق اكتىسىن قولدانۋ ارقىلى وندىرىستەن قىسقارتىلدى.
قىلمىستىق ءىستىڭ قىسقارتىلۋىنا سەبەپ, اتالمىش باپ ليكيننىڭ قىلمىس جاساۋ بارىسىندا اۋىرلىعى ورتاشا قىلمىستار ساناتىنىڭ قاتارىندا بولعان.
سونىمەن قاتار, اۋدان پروكۋراتۋراسىمەن استانا قالاسى الماتى اۋدانىنىڭ سوتىنا ا.ۆ.ليكيننەن مەملەكەتكە كەلتىرىلگەن 175 274 تەڭگە كولەمىندەگى شىعىندى ءوندىرۋ جونىندە تالاپ ارىز بەرىلدى, قازىرگى تاڭدا تالاپ ارىز قارالۋ ۇستىندە.
الداعى ۋاقىتتا سوتپەن تەلەفون لاڭكەستەرىنە قاتاڭ جازا قولدانىلاتىنى ءسوزسىز.
ب.مەلدەبەكوۆ,
سارىارقا اۋدانى پروكۋراتۋراسىنىڭ ءبولىم باستىعى
