فۋتبولدان قازاقستاندا جاڭا ماۋسىم باستالدى. العاشقى تۋردا ەل چەمپيونى «شاحتەر» سىرت الاڭدا «اقجايىقتان» ۇتىلسا, ميروسلاۆ بەرانەك جاتتىقتىراتىن «استانا» «توبىلعا» قوناققا بارىپ, كۇل-تالقان ەسەپپەن ۇتىلدى.
ويىننىڭ ونىنشى مينۋتىندا ەفيوپيا قۇراماسىنىڭ ويىنشىسى يۋسۋف ساليحتان پاس العان وگنەن كراسيچ الاڭ يەلەرىن العا شىعارعان. ون مينۋت وتپەي جاتىپ, نەناد شليۆيچ ەسەپتى ەسەلەدى. ەكى گولدان كەيىن ەس جيا الماي قالعان قوناقتار ءبىر مينۋت وتپەي جاتىپ, ءوز قاقپالارىنا كەزەكتى گولدى سوقتى. اۆتوگولدىڭ اۆتورى – ۆيكتور دميتريەنكو. وسىدان كەيىن ىزاعا بۋلىققان بەرانەك ءبىرىنشى تايم اياقتالماي جاتىپ, ايىپتى ويىنشىنى چەرنوگوريالىق جارتىلاي قورعاۋشى دامير كوياشەۆيچكە الماستىردى. قورعاۋشى دميتريەنكونى الىپ, ونىڭ ورنىنا كوياشەۆيچتى شىعارۋ ارقىلى شابۋىل شەبىن كۇشەيتپەك بولعان دا بولار بەرانەك. 58 مينۋتتا «استانانىڭ» جاڭا ويىنشىسى زەلاو ەسەپتى قىسقارتىپ ەدى, «توبىل» ساپىنان باۋىرجان جولشيەۆ ەسەپتى 4:1-گە جەتكىزدى. بەس مينۋت وتپەي جاتىپ, يۋسۋف سالەح «توبىل» جانكۇيەرلەرىنەن بەسىنشى گولمەن ءسۇيسىندىردى.
ەربول جانات
