تۋريزمگە قوزعاۋ سالار «ASTANA LEISURE-2014»
بۇكىل الەمدىك تۋريزم كۇنى قارساڭىندا استاناداعى «كورمە» ورتالىعىندا XI حالىقارالىق «دەمالىس – Astana Leisure – 2014» كورمەسى اشىلدى.
قر ينۆەستيتسيا جانە دامۋ مينيسترلىگى قولداۋىمەن كورمەنى ۇيىمداستىرۋشىلار «Iteca» جشس-ءتىڭ شارانى قولعا العانداعى ماقساتى – ءتۋريزمدى ناسيحاتتاۋ ارقىلى الەمدىك ەكونوميكالىق قوعامداستىقتىڭ دامۋىنا ۇلەس قوسىپ, ىسكەرلىك جانە مادەني تۇرعىداعى حالىقارالىق بايلانىستاردى نىعايتۋ. 24-26 قىركۇيەكتىڭ ارالىعىندا وتەتىن بۇل كورمەگە الەمنىڭ 20 ەلىنەن كەلگەن 90-نان اسا كومپانيا قاتىسۋدا. ولاردىڭ قاتارىندا ءارتۇرلى تۋروپەراتور, تۋراگەنتتىكتەر, شيپاجايلار, سونداي-اق, قوناقۇي جەلىلەرى مەن اۋەتاسىمالداۋشىلار دا بار. قازاقستانمەن قاتار كورمەدە ۆەنگريا, ۆەتنام, دومينيكان رەسپۋبليكاسى, كورەيا, لاتۆيا, مالايزيا, مالديۆا, رەسەي, تايلاند, تۇركيا, شۆەيتساريا – باس-اياعى 12 مەملەكەت ءوزىنىڭ ۇلتتىق ستەندىن كوپشىلىك نازارىنا ۇسىنىپ وتىر. ۇيىمداستىرۋشىلاردىڭ ايتۋىنشا, كورمەنىڭ جوعارى دەڭگەيدە وتكىزىلۋى ەلىمىزگە تارتىلعان ينۆەستيتسيا كولەمىن ۇلعايتىپ, قازاقستاننىڭ تۋريزم ينفراسترۋكتۋراسىن وركەندەتۋگە زور مۇمكىندىك بەرەدى.
ءمادينا جاقىپ