كەشە «قازانات» اتشابارىندا استانانىڭ 20 جىلدىعىنا ارنالعان الامان بايگە مەن كوكپاردان ەل چەمپيوناتى ساراپقا سالىندى.
وسىمەن 18-ءىنشى مارتە وتكەن چەمپيوناتتا ەلىمىزدىڭ ءار وڭىرىنەن كەلگەن كوكپارشىلار باق سىناستى. اقتىق سىندا جامبىل وبلىسىنىڭ «اۋليە-اتا» كومانداسىن ۇتقان تۇركىستان وبلىسىنىڭ «قۇلاگەر» كومانداسى ەل چەمپيونى اتاندى. ال ماڭعىستاۋ وبلىسىنان كەلگەن «اداي اتا» كومانداسى قولا جۇلدەگە يە بولدى.
سونىمەن قاتار, الامان بايگەدە دە ەلىمىزدىڭ تۇكپىر-تۇكپىرىنەن نەبىر سايگۇلىكتەر توپقا قوسىلىپ, اتوي سالعان جانكۇيەردىڭ دەلەبەسىن قوزدىردى.
