استانا-20
ەلباسى ريزاشىلىق ءبىلدىردى
مەملەكەت باسشىسى نۇرسۇلتان نازارباەۆ استانانىڭ ىرگەسىن العاش قالاعان ازاماتتارمەن كەزدەستى.
ەلباسى شاراعا قاتىسۋشىلارمەن اڭگىمەلەسىپ, ولاردى ەلوردانىڭ 20 جىلدىعىمەن قۇتتىقتادى.
قازاقستان پرەزيدەنتى استانانى سالۋعا جانە دامىتۋعا اتسالىسقان تۇلعالاردىڭ بارىنە ريزاشىلىق ءبىلدىردى.
– ەلوردانىڭ بۇگىنگىدەي دارەجەگە جەتەتىنىنە كوپشىلىك سەنبەگەن ەدى. بارشاڭىزعا العىسىم شەكسىز. سىزدەر قاجىرلى ەڭبەك ەتپەگەندە, مەن بۇعان قول جەتكىزە الماس ەدىم. سىزدەردىڭ سىڭىرگەن ەڭبەكتەرىڭىز بولاشاق ۇرپاقتىڭ جادىندا ساقتالادى, – دەدى نۇرسۇلتان نازارباەۆ.