كەشە استانادا «ادىلەت ورگاندارى كەڭەس بەرەدى» رەسپۋبليكالىق اكتسياسى باستالدى. ايتۋلى شارا اياسىندا مەملەكەتتىك ورگانداردىڭ زاڭگەرلەرى, ادۆوكاتتار, نوتاريۋستەر قالا تۇرعىندارىنا تەگىن كەڭەس بەردى.
استانا قالاسى ادىلەت دەپارتامەنتىنىڭ باستاماسىمەن كەشە قالا ىرگەسىندەگى پريگورودنىي, زارەچنىي, تەلمان ەلدى مەكەندەرى تۇرعىندارىمەن كەزدەسۋ وتكىزىلدى. سونداي-اق, ەسىل اۋدانىنداعى حقكو مەكەمەلەرىندە اشىق ەسىك كۇنى ۇيىمداستىرىلىپ, تۇرعىندارعا زاڭدىق تۇرعىدان كەڭەستەر بەرىلدى.
بۇگىن ساعات 11.00-دە زاڭگەرلەر سارىارقا اۋدانىنىڭ اكىمدىگىندە تۇرعىندارمەن جانە ەڭبەك ارداگەرلەرىمەن كەزدەسەدى. ال, 13 ماۋسىمدا ساعات 11.00-دەن 13.00-گە دەيىن «نۇر وتان» پارتياسىنىڭ استانا قالالىق فيليالىنىڭ قوعامدىق قابىلداۋى اتالعان اكتسياعا قاتىسۋعا نيەت بىلدىرگەن ازاماتتاردى قابىلدايدى. سونىمەن قاتار, ەتس-166/22 مەكەمەسىندە سوتتالعاندارعا تەگىن زاڭ كەڭەستەرىن بەرۋ جوسپارلانعان.
