استانادا 26 اقپان كۇنى «ترانزيت» جەدەل-پروفيلاكتيكالىق ءىس-شاراسى باستالدى. ول جونىندە استانا قالاسى ىشكى ىستەر دەپارتامەنتى اكىمشىلىك پوليتسيا باسقارماسىنىڭ بولىمشە باسشىسى رۇستەم ومىربەكوۆتەن بىلگەن ەدىك.
– ءىس-شارانىڭ ماقساتى قانداي?
– ماقساتى – وزگە ەلدەردە تىركەۋدە تۇرسا دا, قازاقستان رەسپۋبليكاسى اۋماعىنا زاڭسىز جولمەن اكەلىنگەن كولىكتەردى انىقتاۋ جانە ولاردى زاڭسىز پايدالانۋدى بولدىرماۋ. ەكى كۇن ىشىندە جول-پاترۋلدىك پوليتسياسى قىزمەتكەرلەرى ەلىمىزدىڭ كەدەن زاڭدارىنىڭ بۇزىلعانى ءجونىندەگى 13 فاكتىنى انىقتادى. بۇل كولىكتەردىڭ قىرعىز رەسپۋبليكاسىنان اكەلىنگەنى انىقتالىپ, ولار ۋاقىتشا تۇراقتارعا قاڭتارىلدى. وعان قوسا جول-كولىك ەرەجەلەرىن بۇزۋ بويىنشا 2,5 مىڭنان استام وقيعا تىركەلدى.
– وسى فاكتىلەرگە تولىعىراق توقتالساڭىز.
– وسىلاردىڭ ىشىندە 257 كولىك جۇرگىزۋشى قاۋىپسىزدىك بەلدىگىن تاقپاعاندارى ءۇشىن اكىمشىلىك جاۋاپكەرشىلىككە تارتىلسا, 200 ءجۇرگىزۋشىنىڭ كولىك جۇرگىزىپ كەلە جاتىپ, ۇيالى تەلەفونمەن سويلەسكەنى انىقتالدى. جىلدامدىقتى اسىرۋ بويىنشا 90 فاكت تىركەلدى. 70 جۇرگىزۋشى جاياۋ جۇرگىنشىلەرگە جول بەرمەگەن. 28 كولىك قارسى بەتكە شىعىپ كەتىپ, 11 كولىكتىڭ يەسى رولدە ماس كۇيىندە ۇستالعان. سونىمەن بىرگە شەت مەملەكەتتەردەن كەلگەن 20 كولىك جۇرگىزۋشى كوشى-قون زاڭىن بۇزعانى بەلگىلى بولىپ, ءبىر ءجۇرگىزۋشى قازاقستان رەسپۋبليكاسى شەكاراسى اۋماعىنان شىعارىلدى.
– «ترانزيت» ءىس-شاراسىنا ورالساڭىز.
– 2 ناۋرىزعا دەيىن جۇرەتىن ءىس-شاراعا ەلوردانىڭ جول-پاترۋلدىك پوليتسياسىنىڭ بەس ءجۇزدەن استام قىزمەتكەرى قاتىسۋدا. سونداي-اق, وعان كەدەن قىزمەتكەرلەرى دە تارتىلدى.
امانعالي قالجانوۆ
