ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى جاراتىلىستانۋ فاكۋلتەتىنىڭ حيميا كافەدراسىنىڭ پروفەسسورى يرينا يرگيباەۆانىڭ جەتەكشىلىگىمەن جاسالعان «وتاندىق فلۋورەستسيۆتى پوليمەر ماتەريالداردىڭ تەحنولوگياسىن جاساۋ جانە تاجىريبەلى ءوندىرىستى ۇيىمداستىرۋ» اتتى عىلىمي جوبا قر ءبىلىم جانە عىلىم مينيسترلىگىنىڭ جانە بۇكىلالەمدىك بانكتىڭ «تەحنولوگيالاردىڭ كوممەرتسيالانۋى» جوباسى نەگىزىندە اعا عىلىمي قىزمەتكەرلەر توپتارى باعدارلاماسى بويىنشا گرانت يەلەنۋگە ماقۇلداۋ الدى.
وسى جوبانى جۇزەگە اسىرۋ ماقساتىندا قر ءبىلىم جانە عىلىم مينيسترلىگى جانىنان قۇرىلعان جوبانىڭ باسقارما توبىنىڭ جەتەكشىلىگىمەن «ليۋمينەستسەنتتى ماتەريالداردى زەرتتەۋ ورتالىعى» جشس قۇرىلدى. جاڭا ءوندىرىستىڭ نەگىزگى ماقساتى وتاندىق شيكىزات رەسۋرستارىن, ونىڭ ىشىندە قولدانىستاعى حيميا ونەركاسىبىن ماقساتتى ءارى ءتيىمدى پايدالانۋ بولىپ وتىر. نەگىزگى ونىمدەر جول جانە ناۆيگاتسيالىق بەلگىلەردى, كولىكتەردىڭ, جول جۇمىسشىلارىنىڭ ماركيروۆكاسىن جانە جول جولاقتارىن بوياۋعا ارنالىپ شىعارىلاتىن بولادى. قازىرگى كەزدە جوباعا قاتىسۋشىلار فلۋورەستسيۆتى پوليمەر ماتەريالدىڭ (سمولا) نەگىزىن ءوندىرەتىن ايرىقشا تەحنولوگيانى جاساپ قويدى. بۇل تەحنولوگيا تەحنيكالىق جانە ەكونوميكالىق جاعىنان ءتيىمدى, سونىمەن قاتار ەكولوگيالىق تۇرعىدان زيانسىز بولاتىنى بولجانىپ وتىر. جوبانىڭ جۇزەگە اسۋى قازاقستاندىق ءوندىرىستىڭ ىسكە قوسىلۋىمەن, باسەكەلەستىكتىڭ دامۋىمەن, سونىمەن قاتار قوسىمشا جۇمىس ورىندارىنىڭ اشىلۋىمەن ناتيجەلى بولماق.
جوبانىڭ نەگىزگى جاساۋشىلارى ي.س.يرگيباەۆا, ن.ن.باراشكوۆ, ز.گ.اكۋلوۆا, ت.ن.نۇراحمەتوۆ, ا.ا.الدوڭعاروۆ جانە ا.ي.مانتەل وزدەرىنىڭ عىلىمي ەڭبەكتەرى ەندى ءوندىرىسكە قوسىلاتىنىن, ارينە, ماقتان تۇتادى.
وسىلايشا, قر ءبىلىم جانە عىلىم مينيسترلىگى مەن بۇكىلالەمدىك بانك باستاماسىمەن جۇزەگە اسىرىلىپ جاتقان «تەحنولوگيالاردىڭ كوممەرتسيالانۋى» جوباسى اياسىندا جاڭا ءوندىرىس ىسكە قوسىلماق.
ي. يرگيباەۆا,
ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ پروفەسسورى, حيميا عىلىمدارىنىڭ دوكتورى
