ەلوردادا جۇما-جەكسەنبى كۇندەرى ق. مۇڭايتپاسوۆ اتىنداعى ورتالىق ستاديون جانە «دۋمان» ويىن-ساۋىق ورتالىعىنىڭ تۇراقتارىندا استانا قالاسى مەن اقمولا جانە قاراعاندى وبلىستارى تاۋار وندىرۋشىلەرىنىڭ اۋىل شارۋاشىلىق جارمەڭكەسى ءوتتى.
اسىرەسە, باس قالا تۇرعىندارى اۋىل شارۋاشىلىق جارمەڭكەلەرىنە ءدان ريزا. ويتكەنى ونداعى باعالار بازارداعىدان 10-15 پايىز تومەندەۋ. بۇگىنگى تاڭعا دەيىن جارمەڭكەدە 336 توننا ءونىم ساتىلعان.
يگى شاراعا 150 جابدىقتاۋشى مەن ءوندىرۋشى قاتىستى. اتاپ ايتقاندا, «كاپيتال ناتۋر پرودۋكت» جشس, «ناتيجە» جشس, «ءدامدى ەت» جشس, «قازگەر-قۇس» جشس, «جاس قانات» جشس جانە تاعى باسقا بەلگىلى كاسىپورىندار ءوز ونىمدەرىن جۇرتشىلىققا ۇسىندى.
