8 قاراشادان باستاپ ساۋدا ويىن-ساۋىق ورتالىقتارىنا ەندى جۇمىس كۇندەرى دە «جاسىل» مارتەبەسى بار ازاماتتار عانا بارا الادى. ەلورداداعى ەپيدەميولوگيالىق احۋالدىڭ تۇراقتىلىعىن ساقتاۋ جانە ىندەتتىڭ ودان ءارى تارالۋىنىڭ الدىن الۋ ءۇشىن وسىنداي شەشىم قابىلداندى.
تالداۋ ناتيجەسى كورسەتكەندەي, ءۇي كارانتينىن بۇزۋشىلاردىڭ ەڭ كوبى ءدال وسى ساۋدا ويىن-ساۋىق ورتالىقتارىندا تىركەلگەن. بۇل ورتالىقتاردا ادامدار كوپ جينالادى جانە ۇزاق ۋاقىت بولادى. سوندىقتان كوروناۆيرۋستىڭ تارالۋ قاۋپى ارتادى.
سونىمەن كەشەدەن باستاپ قىزمەتكەرلەر مەن كەلۋشىلەردىڭ قاۋىپسىز «جاسىل» مارتەبەسى بولعان جاعدايدا, ياعني ۆاكتسينا الىپ, تەرىس ناتيجەسى بار پتر تەستى 7 كۇننەن اسپاعان بولسا جانە تۇراقتى مەديتسينالىق قارسى كورسەتىلىمدەرى بار, سوڭعى 3 اي ىشىندە اۋىرىپ جازىلعان ادامدار ءۇشىن جۇمىس كۇندەرى جانە دەمالىس كۇندەرى وسىنداي ورتالىقتارعا كىرۋگە مۇمكىندىك بار.
