قوعام. ادام. سانا. ولار جۇمىلا, دامي كەلە وركەنيەتتى, دامىعان ورتانىڭ قالىپتاسۋىنا سەبەپشى بولادى. سانالى ادام قوعامعا ءوز ۇلەسىن قوسا كەلە, سول قوعامدى ىلگەرى جىلجىتاتىنى انىق. ال ءدال وسىلاي قالىپتاسىپ كەلە جاتقان ورتاعا ىرىتكى قوساتىن باسقا فاكتورلار دا جوق ەمەس. ولاردىڭ ءبىرى ءارى بىرەگەيى – جەمقورلىق. زامانىمىزدىڭ تاعى ءبىر دەرتى دە – وسى.
قانشا كۇرەسكەنمەن, ونىڭ «جىلى قاناتىنىڭ» استىنان پانا ىزدەيتىن ادامداردىڭ قاتارى دا سيرەمەي جاتىر. بۇل ءىستىڭ ارقاسىندا كاسىبىن دوڭگەلەتىپ, ءبىراز «جاعدايىن» جاساپ العاندار دا جوق ەمەس. ءتىپتى, قۇرىقتالىپ, سوتتالعان «ارىپتەستەرىنىڭ» مىسالى دا بۇل ازاماتتاردى قورقىتپايتىن سىڭايلى. بۇل دەرت ءورشىپ بارا جاتقان تۇستا ەلىمىز سان الۋان شارالاردى قولداندى. الدىمەن بۇنداي ىستەرمەن اينالىسىپ, الدىن الاتىن ارنايى دەپارتامەنت تە قۇردى, زاڭ دا قابىلدادى. جىلدار ءوتتى. ال «جەمقورلىق» دەگەن ىندەت تامىرىمەن جوعالعانىن بايقاپ جاتقانىمىز جوق. وكىنىشتى. جاقىندا اتالمىش «سىبايلاس جەمقورلىققا قارسى كۇرەس تۋرالى» زاڭعا تولىقتىرۋلار ەنگىزىلەدى دەگەن سىبىستى قۇلاق شالعان ەدى. ەندىگى ءۇمىت – وسى زاڭنىڭ قاتالدىعى جەمقورلارعا قولبايلاۋ بولسا.
وسى رەتتە, مەملەكەتتىك ورگاندار كوپتەگەن جۇمىستاردى قولعا الۋدا. مەملەكەتتىك قىزمەتكە تۇرماس بۇرىن, ۇمىتكەرلەر باسقا زاڭدارمەن قوسا, «سىبايلاس جەمقورلىققا قارسى كۇرەس تۋرالى» زاڭى بويىنشا دا تەستىلەۋدەن باعىن سىنايدى. ياعني, مەملەكەتتىك قىزمەتكە تۇراتىن ءار ازامات بۇل زاڭنىڭ مازمۇنى مەن ونىڭ جازالارىمەن جاقسى تانىس بولادى دەگەن ءسوز.
بۇگىنگى كۇنى جەمقورلىق پەن سىبايلاس جەمقورلىقتىڭ كەز كەلگەن جاعدايىنا تاپ بولعان ادام بۇل فاكتى جايىندا قۇزىرلى ورگانداردىڭ سەنىم تەلەفوندارىنا حابارلاي الادى.
استانا قالاسى توتەنشە جاعدايلار دەپارتامەنتىنىڭ قىزمەتكەرلەرى اراسىندا ءتۇسىندىرۋ جۇمىستارى, سىبايلاس جەمقورلىقتىڭ الدىن الۋعا باعىتتالعان ءىس-شارالار ءجيى ۇيىمداستىرىلادى. تجد ماماندارى جەرگىلىكتى اتقارۋ ورگاندارىمەن, قالالىق شۇعىل قىزمەتتەرمەن تىعىز قارىم-قاتىناستا جۇمىس جاسايدى. سونداي-اق, مەنشىك نىسانىنا قاراماستان قالاداعى وبەكتىلەردە ءتوتەنشە جاعدايدىڭ الدىن الۋعا باعىتتالعان تەكسەرۋ جۇمىستارىن جۇرگىزەدى.
تەكسەرۋ بارىسىندا نورماتيۆتىك-قۇقىقتىق اكتىلەر تالاپتارىنىڭ بۇزىلعانى انىقتالۋى مۇمكىن. ونداي جاعدايدا اكىمشىلىك قۇقىق بۇزۋشىلىق تۋرالى كودەكستى نەگىزگە الا وتىرىپ, بەلگىلى تالاپتاردى بۇزعان تۇلعاعا قاتىستى اكىمشىلىك جاۋاپكەرشىلىككە تارتۋ تۋرالى حاتتاما تولتىرىلادى. وعان قاتىستى اكىمشىلىك جاۋاپكەرشىلىككە تارتۋ تۋرالى قاۋلى شىعارىلىپ, جىبەرىلگەن كەمشىلىكتەردى جويۋعا ۇسىنىم بەرىلەدى.
استانا قالاسى تجد-ءنىڭ مۇرىندىق بولۋىمەن, اتالمىش ىندەتتىڭ الدىن الۋعا باعىتتالعان ءىس-شارالار بيىلعى جىلى كوپتەپ ۇيىمداستىرىلدى. 30 مامىر كۇنى استانا قالاسى تجد باستىعىنىڭ ورىنباسارى ۆ.وۆچيننيكوۆتىڭ ءتوراعالىعىمەن «دەپارتامەنتتىڭ ينجەنەرلى-ينسپەكتورلىق قۇرامىنىڭ قىزمەتىندە سىبايلاس جەمقورلىق زاڭىن بۇزۋدى بولدىرتپاۋ جانە اكىمشىلىك توسقاۋىلدى تومەندەتۋ» تاقىرىبىندا دوڭگەلەك ۇستەل ءوتتى. ونىڭ بارىسىندا استانا قالاسى پروكۋراتۋراسىنىڭ, ادىلەت دەپارتامەنتىنىڭ وكىلدەرى جانە «نۇر وتان» حالىقتىق-دەموكراتيالىق پارتياسىنىڭ استانالىق فيليالىنىڭ وكىلدەرى مەن دەپارتامەنت بولىمشەلەرى قاتىستى. وتىرىس بارىسىندا قوزعالعان تاقىرىپتاردىڭ ءبىرى – «نۇر وتان» حالىقتىق-دەموكراتيالىق پارتياسىنىڭ سىبايلاس جەمقورلىقپەن كۇرەس باعدارلاماسى تۋرالى بولدى. بۇدان بولەك, زاڭدى تۇلعالاردى تىركەۋ سالاسىندا قىزىقتىرعان سۇراقتار قويىلىپ, «سىبايلاس جەمقورلىقپەن كۇرەس تۋرالى» زاڭعا تولىقتىرۋلار ەنگىزىلۋى مۇمكىن تۋرالى ماسەلەلەر قوزعالدى.
اعىمداعى جىلى بۇل تاقىرىپ ءتوڭىرەگىندە اتقارىلعان جۇمىستاردىڭ قاتارىندا قارجى پوليتسيا اكادەمياسىنىڭ پوليتسيا اعا لەيتەنانتى ر.ايمۇقانوۆپەن كەزدەسۋدى دە اتاپ وتۋگە بولادى. ءىس-شاراعا استانا قالاسى تجد باسقارما, ءبولىم باستىقتارى, «ءوس جانە اقجق» مم, ءوسب, ءموسب باستىقتارى قاتىستى. نەگىزگە الىنعان تاقىرىپ – «قازاقستان رەسپۋبليكاسى پرەزيدەنتىنىڭ جولداۋىندا ايتىلعان سىبايلاس جەمقورلىققا قارسى زاڭدى جەتىلدىرۋ» بولدى.
اعا لەيتەنانت ر.ايمۇقانوۆ قازاقستان رەسپۋبليكاسىنىڭ قىلمىستىق كودەكسىندەگى سىبايلاس جەمقورلىق جانە قىلمىستىق قۇقىعىن بۇزۋ سالاسىنا وزگەرىستەر ەنگىزۋ جوسپارلانىپ جاتقاندىعىن باياندادى. كەڭەس ديالوگ ءتۇرىندە ءوتتى. كوكەيكەستى ماسەلەلەر تالقىلاۋعا شىعارىلىپ, ولارعا وكىلەتتى مامان تولىق جاۋاپ قايتاردى.
قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ مەملەكەتتىك قۇرىلىمداردىڭ نازارىن سىبايلاس جەمقورلىقتىڭ قاۋىپتىلىگىنە بىرنەشە رەت اۋدارعان بولاتىن. ونىڭ الەمدىك دەڭگەيدەگى ماسەلەگە اينالعانىن, بۇل دەرتتىڭ ساياسي تۇراقتىلىعى مەن ەكونوميكالىق دامۋ دەڭگەيى جوعارى مەملەكەتتەردە دە ورىن العاندىعىن تىلگە تيەك ەتكەن. وسى الەۋمەتتىك زۇلىمدىقتىڭ الدىن الۋ ءۇشىن سىبايلاس جەمقورلىققا جول اشاتىن جاعدايلاردى ۇنەمى جويىپ, ساقتاندىرۋ جۇمىستارىن جۇرگىزىپ وتىرۋ قاجەت.
مەملەكەتتىك قىزمەتتە جۇرگەن ءار ازامات ءوز قىزمەتىنە ادال, ار-ۇيات پەن باسقا دا قۇندىلىقتاردى جوعارى قوياتىن بولسا, قوعامدا جەمقورلىققا جول بەرىلمەيتىنى انىق.
قۇرمەتتى قالا تۇرعىندارى! استانا قالاسى توتەنشە جاعدايلار دەپارتامەنتى قىزمەتكەرلەرىنىڭ تاراپىنان جۇرگىزىلگەن تەكسەرۋلەردىڭ ناتيجەسىندە, سىبايلاس جەمقورلىققا جول بەرگەن جاعدايدى بايقاعان بولساڭىزدار, 70-17-22 سەنىم تەلەفوندارىنى قوڭىراۋ شالىڭىزدار.
استانا قالاسى توتەنشە جاعدايلار دەپارتامەنتىنىڭ ءباسپاسوز قىزمەتى
