№70 مەكتەپ-ليتسەيىندە ەلوردا اكىمىنىڭ ورىنباسارى باقتيار ماكەن مەن سىبايلاس جەمقورلىققا قارسى ءىس-قيمىل اگەنتتىگىنىڭ نۇر-سۇلتان قالاسى بويىنشا دەپارتامەنتى باسشىلىعىنىڭ قاتىسۋىمەن باس قالاداعى ورتا ءبىلىم بەرۋ وردالارى, كوللەدج جانە مەكتەپكە دەيىنگى ۇيىمداردىڭ ديرەكتورلارىنىڭ باسىن قوسقان سىبايلاس جەمقورلىققا قارسى مادەنيەتتى قالىپتاستىرۋعا ارنالعان جيىن ءوتتى.
جيىن تىزگىنىن ۇستاعان باقتيار ماكەن «ادالدىق الاڭى» جوباسى اياسىندا جۇزەگە اسىپ جاتقان جۇمىستارعا قىسقاشا شولۋ جاساپ, ءبىلىم بەرۋ سالاسىنداعى سىبايلاس جەمقورلىققا قارسى ءىس-قيمىل جانە ونى الدىن الۋ بويىنشا قابىلدانعان شارالار تۋرالى ايتىپ بەردى.
– جاقىندا ءبىز «ادالدىق الاڭى» جوباسى جۇمىسىنىڭ قورىتىندىسىن ازىرلەدىك. وسى باعىتتا جىل بويى قوعامدىق ۇيىمدارمەن, جوبا وكىلدەرىمەن كەزدەسىپ, پىكىرلەرىن تىڭدادىق. ال بۇگىنگى جيىننىڭ باستى ماقساتى – ەلىمىزدەگى جەمقورلىققا قارسى ستراتەگيانىڭ جۇزەگە اسىرۋ تاجىريبەسىن, اسىرەسە, ءبىلىم سالاسىنداعى جۇرگىزىلىپ جاتقان جۇمىستاردىڭ ناتيجەسىن ءبىر ەكشەپ الۋ. بۇل تاراپتا ءبىراز ءىس-شارا جۇرگىزىلگەنى ءمالىم. سونىڭ ناتيجەسىندە باس شاھاردا جەمقورلىق دەڭگەيىنىڭ تومەندەۋى بايقالادى. شىن مانىندە, سىبايلاس جەمقورلىقتىڭ الدىن الۋداعى ماڭىزدى جۇمىستىڭ ءبىرى – ءتۇسىندىرۋ. كەيبىر جاعدايدا ءبىردەن داۋىس شىعارماي ءوزارا ءتۇسىندىرۋ شاراسىن ۇيىمداستىرعان ءجون. سەبەبى دۇرىس تۇسىنىسپەۋشىلىكتىڭ سوڭى كەيدە جاقسىلىققا اپارمايدى, – دەدى اكىم ورىنباسارى.
نۇر-سۇلتان قالاسى بويىنشا دەپارتامەنتى باسشىسىنىڭ ءبىرىنشى ورىنباسارى جازيرا جىلقىشيەۆا قر زاڭنامالىق اكتىلەرىنە سىبايلاس جەمقورلىققا قارسى ءىس-قيمىل ماسەلەلەرى بويىنشا ەنگىزىلگەن جاڭاشىلدىقتار تۋرالى ايتىپ, اگەنتتىكتىڭ پاراساتتىلىق, ادىلدىك جانە ادالدىقتى قالىپتاستىرۋعا باعىتتالعان جۇمىسىنىڭ باسىم باعىتتارىن ءتۇسىندىردى.
ودان كەيىن اقپاراتتىق-لەكتورلىق شتاب مۇشەلەرى ەربول ىرگەباي مەن اكتەر ەرنار جۇماتاەۆ مەملەكەتتىك قىزمەتشىلەر, كۆازيمەملەكەتتىك سەكتور وكىلدەرى, ەڭبەك ۇجىمدارى مەن جالپى حالىق اراسىندا سىبايلاس جەمقورلىققا قارسى مادەنيەتتى قالىپتاستىرۋ بويىنشا جۇمىس جۇرگىزەتىن لەكتورلىق توپتىڭ جۇمىسى تۋرالى باياندادى.
ۇقساس جاڭالىقتار
Leave a Reply