ەلوردادا 11 ساۋىردەن جانىبەك تارحان كوشەسىنىڭ ش.ءۋاليحانوۆ كوشەسىنەن اسان قايعى كوشەسىنە دەيىنگى بولىگىندە جول جوندەۋ جۇمىستارىنا بايلانىستى اۆتوكولىك قوزعالىسى ۋاقىتشا توقتاتىلدى.
جولاۋشىلار كولىگى جانە اۆتوموبيل جولدارى باسقارماسىنىڭ حابارلاۋىنشا, جول جوندەۋ اياسىندا سۋ قۇبىرىن, نوسەر جانە شارۋاشىلىق-تۇرمىستىق كارىز جۇيەسىن ورناتۋ جۇمىستارى جۇرگىزىلەتىن بولادى. سونىمەن قاتار, وسى بولىكتە جىلۋ قۇبىرىن قايتا سالۋ جانە ىرگەلەس اۋماقتى اباتتاندىرۋ جوسپارلانعان. ءتيىستى جوندەۋ جۇمىستارىن بيىل 1 شىلدەگە دەيىن اياقتاۋ كوزدەلگەن.
