«جۇلدىزايدىڭ» جۇلدىزدارى انىقتالدى

كەشە «قازاقستان» ورتالىق كونتسەرت زالىندا «جۇلدىزاي» ح رەسپۋب­ليكا­لىق بالالار فەستيۆالىنىڭ گالا-كونتسەرتى ءوتتى.

ايتۋلى شاراعا قاتىسقان قر پرەمەر-ءمينيستردىڭ ورىنباسارى بەردىبەك ساپارباەۆ ەلباسىنىڭ ارنايى قۇتتىقتاۋ حاتىن وقىپ بەردى.
– مەنىڭ جاس دوستارىم! سىزدەرگە جانە تاۋەلسىز قازاقستاننىڭ بارلىق بالالارىنا شىنايى كوڭىل مەن ىستىق ىقىلاسىمدى بىلدىرەمىن. بالالار – ەلىمىزدىڭ باستى باي­لىعى. سىزدەردىڭ بولاشاقتارىڭىز قانداي بولاتىنى بىزدەرگە, ۇلكەندەرگە بايلانىس­تى. ءبىز سىزدەردىڭ دەنساۋلىقتارىڭىزدىڭ مىقتى بولعانىن, جاقسى ءبىلىم الىپ, ءۇش ءتىلدى بىلگەندەرىڭىزدى, اعا بۋىنعا قامقور, ەلىمىزدىڭ ناعىز پاتريوتى بولىپ وسكەندەرىڭىزدى قالايمىز, – دەلىنگەن ەلباسى قۇتتىقتاۋىندا.
شارا بارىسىندا بيىلعى ونىنشى بايقاۋدان ءوز توپتارى بويىنشا ۇزدىك شىق­قان ونەرپازدار ماراپاتتالدى. دالىرەك ايت­قاندا, «بي» نوميناتسيا بويىنشا ءبىرىنشى ورىندى وڭتۇستىك قازاقستان وبلىسىنىڭ جاس ورەندەرى احمەت اسحات پەن جاينا شىرشىقباەۆا جەڭىپ الدى. ال «ىممەن ءان سالۋ» اتالىمىندا قىزىلوردالىق تەڭىزباي المات باس جۇلدە يەگەرى اتانىپ, جاس ءانشى سەرىك يبراگيموۆپەن بىرگە ءان شىرقادى. ناق وسى اتالىم بويىنشا ۇزدىكتەردىڭ قاتارىندا ەلوردالىق ەرحان تولەۋبەك تە بولدى. ول قايرات نۇرتاسپەن «انا» ءانىن قوسىلا ايتتى. وتاندىق ونەرپازداردان
بولەك بالالاردى ىزگىلىكتى مەرەكەمەن قۇت­تىقتاپ كەلگەن رەسەيلىك ءانشى ديانا گۋرتسكايا ساحنا تورىندە شىمكەنتتىك «سامعاۋ» توبىمەن بىرگە ونەر كورسەتتى. اسىرەسە, نازيما يساحانوۆا مەن ىرىسداۋلەت ورىنبەكتىڭ ونەرىنە جوعارى باعا بەرگەن ديانا ولاردى بيىلعى قازان ايىندا رەسەيدە وتەتىن «بەلايا تروس» فەستيۆالىنە قوناق رەتىندە قاتىسۋعا شاقىردى.

فارحات قانالى,
ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ 1-كۋرس ستۋدەنتى