К.Байсейітова атындағы Ұлттық опера және балет театрының өнерпаздары Францияның «Прельжокаж» балет труппасымен бірігіп өнер көрсетпек.
Бұл – 2013 жылдың Қазақстандағы Франция жылы болып белгіленуі аясында ұйымдастырылып отырған алғашқы іс-шараның бірі. «Прельжокаж» балет труппасының әкімгері Николь Саидтың айтуынша, франциялық өнерпаздар елордалық жастармен бірігіп жұмыс істеуге дайын. «Осы ынтымақтастықты пайдаланып көпшілік сүйіп көретін жақсы шығарма ұсынуды көздеп отырмыз» дейді ол. Салтанатты шара «Күзгі кездесулер» атты бағдарлама аясында өтеді.
