Инженерлік желі жүргізу жұмыстарына байланысты Астанада 13 автобустың бағыты өзгереді.
№ 10, 27, 37 маршруттары Қабанбай батыр даңғылындағы «Асыл-Тау» БО» аялдамасына дейін өзгеріссіз жүреді. Әрі қарай автобустар Керей мен Жәнібек хандар көшесімен Тұран даңғылына шығып, бұрынғы сызба бойынша қозғалады.
№ 12, 40, 51 маршруттары да өз бағытын Қабанбай батыр даңғылындағы «Асыл-Тау» БО» аялдамасына дейін сақтап қалды. Одан кейін Керей мен Жәнібек хандар көшесі – Орынбор көшесі – Рысқұлов көшесі – Орынбор көшесінен кері қайта айналып, қалыптасқан бағыт сызбасы бойынша жүреді.
№ 43 маршрут бұрынғы қалпынша Тұран даңғылындағы «Ұлттық кардиологиялық орталық» аялдамасына дейін барып, әрі қарай Қарқаралы тас жолына өтеді.
№ 53 маршрут «Ұлттық кардиологиялық орталық» аялдамасына қарай өзгеріссіз қозғалады. Кейін Керей мен Жәнібек хандар көшесі – Орынбор көшесі – Рысқұлов көшесіне түседі де, кері айналып Орынбор көшесіне шығады. Сосын қалыптасқан бағыт сызбасы бойынша жүреді.
№ 55 маршрут бағыты Тұран даңғылындағы «Научный» ТК» аялдамасына дейін сол күйінде қалады. Тек Тұран даңғылымен тура жүріп, №31 көше қиылысында кері бұрылатын болады.
№ 302, 303, 308, 309 қала маңына жүретін маршруттар бағытын Қабанбай батыр даңғылындағы «Кардиохирургиялық клиника» аялдамасына дейін өзгертпейді, әрі қарай бағыт Сығанақ көшесі – Тұран даңғылылы – Қарқаралы тас жолымен жүреді, одан кейін қалыптасқан сызба бойынша жүреді.
Осы автобустар кері бағыт бойынша аталмыш сызбамен жүреді.
Мәдина ЖАҚЫП
