Жаңалықтар
Аяз атаның отауы
Есіл өзені жағасында «Атырау» көпірі маңынан Аяз атаның ертегідегідей резиденциясы ашылды. Балалар үйінің 6-11 жас аралығындағы тәрбиеленушілері алғашқы қонақтары болды.
Резиденция алдында қарсы алған аниматорлар квест ойынын ойнатып, оларды пошта бөлімшесіне әкелді. Балалар жазған хаттарын жәшікке салды. Ал балалардың қалауы жазылған сыйлықтар тізімі әкімдікке табыс етілетін болады.
Аяз Атаның ертегідегідей резиденциясы 30 желтоқсанға дейін жұмыс істейді, кіру тегін. Ал «Аяз Атаның поштасы», «Қысқы дала ойын-сауықтары», «Аяз Атаның қонақ бөлмесіне» билетпен кіруге болады.