Еуразиялық экономикалық одақ аясында зейнетақымен қамсыздандырудың арнайы тұжырымдамасы жасалады. Бұл құжат Қазақстан, Ресей және Беларусь елдерінің зейнетақы жүйелерін үйлестіретін болады.

Астанада жол қозғалысы ережелерін бұзғаны үшін салынған айыппұлдарды өндіріп алу мақсатында рейд өткізілді. Әкімшілік полиция басқармасының мәліметінше жыл басынан бері тәртіп бұзушылық бойынша 13 мың ұйғарым жолданған. Салынған айыппұлдардың жалпы мөлшері 177,5 млн теңгеден асып отыр.