Елорда тынысы

Газ станциялары жылу қуатын арттырады

Астана әкімі Алтай Көлгінов қалада салынып жатқан газ жылу станцияларының құрылысымен танысты.

– Елордада жылу беру маусымы шамамен 7 айға созылатынын ескере отырып, жылумен жабдықтау нысандарының қуатын арттыру үшін тиісті жұмыс жүріп жатыр. Осыған дейін біз газ жылу станцияларын салуға кірістік. Газ жылу станциялары қала экологиясына оң әсер етеді, өйткені ЖЭО сияқты атмосфераға зиянды заттардың шығарындылары жоқ, сол сияқты олардың қуаты ЖЭО қуатынан асып түседі, – деді әкім.

Қала басшысының айтуынша, екі газ жылу станциясының («Тұран», «Оңтүстік-Шығыс») құрылысы келесі жылы аяқталады. Олар келесі жылыту маусымынан бастап жұмыс істей бастайды. Олардың қуаты 800 мегаваттан асады, бұл жылу берудің қазіргі қуатын арттырып қана қоймай, құрылысы жүріп жатқан аудандарды жылумен қамтуға мүмкіндік береді.

– Келесі кезеңде біз үшінші газ жылу станциясын іске қосамыз. Газ жылу станциялары Қорғалжын тас жолының бойында, жаңа теміржол вокзалы маңында және «Тельман» елді мекенінде орналасқан. «Тұран» газ жылу станциясы Қорғалжын тас жолы, Тұран даңғылы бойындағы және т.б. құрылысы қарқынды жүріп жатқан аудандарды жылумен қамтамасыз етуге мүмкіндік береді. «Оңтүстік-Шығыс» газ жылу станциясы «Мыңжылдық» ауданын, жаңа теміржол вокзалын, сол сияқты құрылысы жүріп жатқан аудандарды және т.б. жылумен қамтамасыз етеді. «Тельман» газ станциясы «Бағыстан»тұрғын үй кешені, Ұлы Дала даңғылы, «Тельман» елді мекені және т.б. аудандарда құрылысы жүріп жатқан орындарды жылумен қамтамасыз етуге мүмкіндік береді, – деді Алтай Көлгінов.

Әкімнің мәліметінше, осыған дейін жаңа ауызсу станциясының құрылысы басталған. Нысан осы жылдың соңына қарай ішінара пайдалануға беріліп жатыр. Оның толық аяқталуы – 2023 жыл. Бүгінде қала тәулігіне 300 мың текше метр су тұтынады. Жаңа ССС-3 қуаты тәулігіне 100 мың текше метрден астам су береді.

Тағыда

admin

«Астана ақшамы» газеті

Ұқсас жаңалықтар

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

Back to top button