Мәдениет

Киелі жерлерді аралады

Нұр-Сұлтан қаласы Қазақстан халқы Ассамблеясы, этномәдени бірлестік мүшелері, ЖОО тарихшылары мен елордалық ҚХА жастары Павлодар облысының тарихи-өлкетану, киелі нысандарына сапарлап келді.

[smartslider3 slider=3706]

Жастар елордалық Достық үйі алаңынан жинақталып ең алдымен Павлодар облысы Екібастұз қаласы маңындағы ауылға барып Исабек Ишан мешітіне барып, құран бағыштап, мұражайымен танысты. Экскурсияны Екібастұз тарихи-өлкетану мұражайының маманы Асхат Серикбеков бастап отырды. Ол қатысушыларға Исабек Ишан туралы кеңірек тоқталып өтті.

«Жаз бойы Қазақстанның түкпір-түкпірінен ­­жер­лестерімізден бөлек шетел келетін ­туристер Павлодар облысының киелі жерлерімен көптеп танысуда. Бүгінгі күні 70-тен астам киелі жерлер бар. Оның 5-еуі республикалық ­сакралды тізімінде. Олар: ­Баянауыл ауданындағы Мәшһүр Жүсіп Көпеев, Қоңыр әулие үңгірі, Жасыбай батырдың монументі,  Екібастұз қаласының ауылдық аймағындағы Исабек Ишан кесенелік кешені,  Ақкөл-Жайылма қалашығы. Тарихта аты қалған, бүгінде есімі аңызға айналған парасатты, ізгі ниетті, адасқанда халқына бағыт-бағдар берген аңызға айналған адамдар көп. Сол адамдардың ұрпағы ретінде кесене тұрғызып, атын асқақтату жолы біздің парызымыз» – деді Асхат Серикбекұлы өз сөзінде.

Одан әрі делегация Павлодар облысындағы Баянауыл ауылының солтүстік-шығысында, 17 км қашықтықта орналасқан «Қоңыр әулие» үңгіріне, Мәшһүр Жүсіп Көпеев кесенесіне зиярат етті. Тарихи-мәдени мұра, орта ғасырлық қала орындарына саяхат жасаған экскурсия қатысушылары тарихы тереңде жатқан киелі жерлермен танысып, «Жасыбай» демалыс аймағына орналасып, қызықты кеш өткізді.

Тағыда

Ұқсас жаңалықтар

Пікір үстеу

Э-пошта мекенжайыңыз жарияланбайды.

Back to top button