Keşe qazaqtyŋ ūly jazuşysy, Alaş qairatkerlerınıŋ soŋǧy tūiaǧy – Mūhtar Äuezovtıŋ düniege kelgenıne 125 jyl toldy. Älemge äigılı ūly tūlǧanyŋ tuǧan künı joǧary därejede ūlyqtaldy dep aita almaimyz. Būqaralyq aqparat qūraldary jarysa jazǧany bolmasa, qūzyrly organdar tarapynan asa belsendılık baiqalǧan joq.
Mūhtar Äuezov – älemdık örkeniet biıgıne köterıle bılgen bıregei talant iesı. Ol älem örkenietın tereŋ igerıp, ony qazaq topyraǧyna jersındırgen, qazaq ruhaniiatynyŋ deŋgeiın kötergen tūlǧa. «HH ǧasyrdaǧy eŋ üzdık şyǧarmalardyŋ bırı» (Lui Aragon) älemge äigılı «Abai joly» roman-epopeiasynyŋ avtory, şyǧarmalary älem halyqtarynyŋ 120-dan astam tılıne audarylǧan, Keŋes Odaǧy kezınde eŋ joǧary därejelı syilyq ielengen jalǧyz qazaq jazuşysy.
Soŋǧy jyldary Alaş ziialylaryn ardaqtau, olardy zertteu ısı aitarlyqtai qarqyn aldy. Sol qatarda ūltqa qyzmet etken ūly tūlǧalardy ūlyqtau, olardyŋ eŋbekterın eskerıp, atyna köşe berıp, eskertkışın tūrǧyzu jūmystaryn da atauǧa bolady. Abai, Ahmet syndy aituly tūlǧalarymyzdyŋ mereitoilyq jylyna orai eskertkışterı tūrǧyzylyp, aty äspettelıp jatqany – sonyŋ aiǧaǧy. Alaida Abaidyŋ 175 jyldyq mereitoiyn atap ötkende, aqyndy älemge tanytqan aituly tūlǧa – Mūhtar Äuezov eskerusız qaldy. Onsyz da būryn ırı qalalarda ūly jazuşy atyna köşe berılgenmen, el kölemınde erekşe atap ötetındei keremet eskertkış tūrǧyza almadyq. Elımızdıŋ bas qalasy – Astanada da jazuşy atyna köşe berılgenı bolmasa, müsını joq. Endeşe Abai esımı ardaqtalyp jatqanda, ūly aqyndy, qazaq halqyn älemge tanytqan ūltymyzdyŋ bırtuar perzentı Mūhtar Äuezovtı de ūlyqtap, elordadan bır eŋselı eskertkış tūrǧyzu kerek dep oilaimyz. Būl eskertkış keŋes däuırınıŋ tar qapasynda qanşama tauqymet tartsa da, ūltyn, onyŋ tarihy men bolmysyn suretteuden tanbaǧan ūly tūlǧaǧa degen qūrmetımız bolar edı.
Qūrmetpen,
- Äkım Tarazi, jazuşy, dramaturg, ssenarist, Qazaqstannyŋ Eŋbek Erı, Qazaqstan Respublikasy Memlekettık syilyǧynyŋ iegerı, Qazaqstannyŋ halyq jazuşysy.
- Qoişyǧara Salǧaraūly, jazuşy, tarihşy, QR Memlekettık syilyǧynyŋ iegerı, Qazaqstannyŋ eŋbek sıŋırgen qairatkerı.
- Tūrsyn Jūrtbai, jazuşy, filologiia ǧylymdarynyŋ doktory, abaitanuşy, äuezovtanuşy.
- Uälihan Qalijan, filologiia ǧylymdarynyŋ doktory, Qazaqstannyŋ eŋbek sıŋırgen qairatkerı, Ūlttyq ǧylym akademiiasynyŋ akademigı.
- Kärımbek Qūrmanäliev, Ūlttyq ǧylym akademiiasynyŋ akademigı, filologiia ǧylymdarynyŋ doktory, professor, Astana qalalyq Qoǧamdyq keŋesınıŋ müşesı.
- Roza Mūqanova, jazuşy, dramaturg, QR Memlekettık syilyǧynyŋ iegerı.
- Bauyrjan Babajanūly, aqyn, «Türkıstan» halyqaralyq gazetınıŋ bas redaktory.
- Esbergen Alauhanov, zaŋ ǧylymdarynyŋ doktory, zaŋger, Astana qalalyq Qoǧamdyq keŋesınıŋ müşesı.
- Joltai Älmaşūly, jazuşy-äuezovtanuşy, Qazaqstannyŋ eŋbek sıŋırgen qairatkerı.
- Erkın Qydyr, «Astana aqşamy» respublikalyq gazetınıŋ bas redaktory, Qazaqstannyŋ eŋbek sıŋırgen qairatkerı.
- Däuletkerei Käpūly, aqyn, Qazaqstan Jazuşylar odaǧynyŋ hatşysy, Astana qalalyq Jazuşylar odaǧy filialynyŋ direktory, Qazaqstannyŋ eŋbek sıŋırgen qairatkerı.
- Tölegen Quanyşev, respublikalyq «Küi anasy» qorynyŋ jetekşısı, Astana qalalyq Qoǧamdyq keŋesınıŋ müşesı.
