Astana qalasynyŋ aumaǧynda alǧaş ret biologiialyq preparatpen şybyn-şırkeilerge qarsy dezinseksiialyq jūmystar jürgızıldı.
Qala aumaǧyndaǧy bırqatar su aidynyndaǧy dernäsılderdı ulauda jerüstı ädısımen bürku arqyly «Baktisid» biologiialyq preparaty qoldanyldy. Atalmyş jūmystyŋ basty maqsaty – su aidyndaryn öŋdeu barysynda flora men faunaǧa ziian keltırmei, şybyn-şırkei sanyn azaitu.
Dezinseksiialyq öŋdeu jūmysy Nūra-Esıl kanaly, Esıl, Qarasu, Aqbūlaq, Sarybūlaq özenderı, Būzyqty, Taldyköl, Kışı Taldyköl kölderı, Botanikalyq baqtaǧy toǧandar, «Zelenyi kvartal» tūrǧyn üi keşenı aumaǧyn qamtydy. Būryn būl obektıler balyqtar men qūstar siiaqty tırı aǧzalardyŋ boluyna bailanysty masalardyŋ dernäsılderınen öŋdelmegen.
«Baktisid» – qauıpsız biologiialyq preparat. Öŋdeu jūmysy dezinseksiialyq jabdyq ornatylǧan arnaiy su tehnikasymen jürgızıldı. Sondai-aq, kvadrokopter arnaiy apparaty qoldanylady. Dezinseksiialyq öŋdeuden būryn entomologtar men SES ökılderınıŋ ǧylymi toby dernäsılderdıŋ baryn aldyn ala anyqtap, zertteu jūmysyn jürgızdı. Aldaǧy uaqytta mūndai jūmysty jyl soŋyna deiın bes ret jürgızu josparlanyp otyr.
