Densaulyq saqtau salasynda 33 jyldyq täjıribesı bar därıger Bibıgül Köjekbaeva Astana qalasyndaǧy №11 emhanada eŋbek etedı. Emdeu mekemesındegı jatyr moiny kabinetınıŋ därıgerı äielderge ginekologiialyq salada konsultasiia berıp, diagnostikalyq tekseru jürgızedı.
Aq halatty abzal jan Soltüstık Qazaqstan oblysynda düniege kelgen. 1985-1991 jyldar aralyǧynda Qaraǧandy medisinalyq universitetınde joǧary bılım alǧan. Joldamamen Petropavl qalasynyŋ perinataldy ortalyǧyna baryp, eŋbek jolyn bastaǧan. Ortalyqta 1995-2012 jyldary därıger retınde jūmys ıstep, 2004 jyly akuşerlık-neonataldyq blok meŋgeruşısı bolady. 2012 jyly qalalyq äielder konsultasiiasy ortalyǧy bas därıgerınıŋ orynbasary, 2015 jyly sol jaqtaǧy №1 emhanada akuşerlık, ginekologiia, pediatriia boiynşa direktordyŋ orynbasary bolyp, basşylyq qyzmette şyŋdalady. 2022 jyly elordaǧa köşıp kelıp, qazırgı №11 qalalyq emhanaǧa därıger bolyp ornalasady. Bügınde ol – osyndaǧy jatyr moiny patologiiasy kabinetınde jūmys ıstep, elordalyq äielderge ginekologiialyq kömek körsetedı, dispanserlık baqylau jürgızedı.
– Otyz üş jyldyq eŋbek jylymnyŋ 20 jyly stasionarda ötıptı. Perzenthanada jürgende bır qyzyq jaǧdai boldy. Bır senbıde kezekşılıkke şyqtym, üşem kötergen äieldı bosandyru kerek boldy. Tuu barysynda patologiia bolǧandyqtan kesar tılıgımen bosandyruǧa şeşım qabyldadym. Sonymen, äuelı bırınşı balany aldyq, sosyn ekınşı, kezegımen üşınşı balany alyp, bärımız balalardyŋ jaqsy tuǧanyna quanyp, riza bolyp, otany jalǧastyryp jatyrmyz. Anasy da mäz (ota epiduraldyq anesteziiamen jasalyp jatandyqtan ol kısı ūiyqtatylmaǧan). Men jatyrdaǧy tılıktıŋ qanyn toqtatu, balanyŋ joldasyn alu jūmystaryn jalǧastyryp jatqan edım, bır kezde jatyrdan taǧy bır balanyŋ aiaǧy şyqty. Söitsek EKŪ arqyly bala kötergen äiel üşem dep jürse, törtem eken. Mūny baqylaǧan därıgerler de, äiel de bılmegen. Osyndai qyzyq jaǧdai bolǧan. Qazır 4 balanyŋ bärı aman-esen ösıp jatyr, -dep därıger este qalǧan oqiǧasyn baiandady.
Salaǧa sıŋırgen eŋbegı üşın keiıpkerımız «Densaulyq saqtau salasynyŋ üzdıgı» tösbelgısımen, talai ret Qūrmet gramotalary jäne Alǧys hattarmen marapattalǧan.
