AǦAMYZ EDI ARDAQTY
Dünieden jūrtyna qaltqysyz qyzmet etken körnektı qalamger, ardaqty azamat, Halyqaralyq «Alaş» ädebi syilyǧynyŋ laureaty Didahmet Äşımhanūly ozdy.
Äp degennen ädebietke özıne tän soqpaǧymen kelıp, qazaq ruhaniiatynyŋ kösegesın kögertıp, örısın keŋeitıp, örnektı qalamynan tuǧan körkem şyǧarmalary arqyly qalyŋ oqyrmannyŋ yqylasyna bölengen aiauly azamattyŋ bolmysy da bekzattyq pen tektılıktıŋ eren ülgısındei edı. Aiauly aǧanyŋ, bızdıŋ «Astana aqşamy» gazetınde de aişyqty qoltaŋbasy qaldy. Ekı ǧasyr toǧysar şaqta elordaǧa kelıp, bas redaktordyŋ bırınşı orynbasary bolyp, qyzmet etken üş aida basylymnyŋ ötkırlıgı almastyŋ jüzındei jarqyrap, oily oqyrman nazaryn audardy. Sol kezde «Baǧan basynda janǧan jıgıt», «Güljanǧa sensek, Tūran biden tüŋılesız», «Otyz üidıŋ oibaiy…» degen siiaqty jalpaq jūrtty eleŋ etkızgen otty dünieler jaryq kördı. Mūnyŋ barlyǧy aqjürek tūlǧanyŋ batyldyǧy men şyndyqty pır tūtatyn azamattyq biık bolmysyn körsettı. Qaşan da qanjardai qairauly qalamymen gazetke aralasyp, «Öz sözım özımdıkı», «Tazşa balanyŋ tamaşasy» degen aidardy engızıp, qala ömırınen qaltarysta qalǧan jäitterdı tüiredı. «Sary samauyr» syndy tamaşa äŋgımesımen ädebietke nyq engen ardaqty tūlǧa ömırden ötkenşe qazaq degen ūlttyŋ ūlylyǧy men qūndylyǧyn jazudan bır sätte ainyǧan joq. Ülkenge de, kışıge de baiypty mınezımen, parasatty bolmysymen jany jaqyn tamyrlas, eldes bola bıldı.
Halyqtyŋ Qaltaiy dünieden ozǧanda: «Jaqsy aǧanyŋ aldyn kördık. Jazmyştan bızge būiyrǧan nesıbe de osy bolar» dep jazǧan eken daryndy jazuşy. Osy sözdı endı asyl aǧanyŋ özıne de arnauǧa bolady. Baqūl bolyŋyz, ardaqty Didaş aǧa!
«Astana aqşamy» gazetınıŋ ūjymy