Halyqtyŋ äleumettık mäselesıne nazar audaru memlekettık saiasattyŋ basym baǧytyna ainaldy. Ädılın aitqanda, elımızde är azamattyŋ tūrmys-tırşılıgı men igılıgı üşın tiıstı baǧdarlamalar qabyldanyp, jūmys jüielı jüzege asuda. 
Qazaqstan Prezidentı Qasym-Jomart Toqaev «Syndarly qoǧamdyq dialog – Qazaqstannyŋ tūraqtylyǧy men örkendeuınıŋ negızı» atty Joldauynda halyqtyŋ äleumettık mäselesıne basymdyq berdı. Jekelegen azamattardyŋ ötınış-tılekterı men talaptary mındettı türde oryndalatynyn mälımdedı.
Rasynda, halyqqa qyzmet etuden asqan ǧaziz närse joq. Jūrttyŋ qarapaiym talap-tılegın oryndau – kez kelgen salaǧa jauapty tūlǧanyŋ asyl boryşy. Ardaqty paiǧambarymyz Mūhammed (oǧan Allanyŋ salauaty men sälemı bolsyn): «Aralaryŋda eŋ jaqsylaryŋ – ainalasyna paidaly bolǧandaryŋ» dep qoǧamǧa şuaǧyn şaşyp, jaqsylyǧyn jaiyp jüretın köpşıl kısınıŋ märtebesın erekşe atap ötken.
Osyndaida halyq danalyǧynda aitylatyn:
«Jaman erdıŋ qaiǧysy,
Öz otynyŋ qasynda.
Jaqsy erdıŋ qaiǧysy,
Auylynyŋ basynda», – degen oramdar oiǧa oralady…
Prezident qazaq halqynyŋ memleket qūrauşy ūlt retındegı rölın bekemdep, etnosaralyq tatulyq pen dınaralyq tüsınıstıktı qalyptastyra beru qajettıgın atap öttı. Rasynda, būl – öte özektı mäsele. Bız täuelsızdık jyldarynda qandai asudan asyp, nendei belestı baǧyndyrsaq ta bırlıgımızdıŋ arqasynda qol jetkızdık.
Qasym-Jomart Toqaev älem moiyndaǧan ǧūlama äl-Farabidıŋ 1150, häkım Abaidyŋ 175 jyldyq mereitoiyna orai tūlǧalarymyzdyŋ eŋbekterın halyq arasynda därıpteudı tapsyrdy. Būl bastamany elımızdegı dın ǧalymdary men mūsylman qauymy da ülken quanyşpen qabyldady. İslam dınınıŋ adamgerşılık qūndylyqtaryn nasihattauda äl-Farabi, Abai, Şäkärım, t.b. tūlǧalarymyzdyŋ ömırı men öşpes mūrasy qūndy qūral bola alady.
Qazaqstan mūsylmandary dıni basqarmasy bırneşe jyldan berı «Dın men dästür jyly» bastamasy aiasynda uaǧyz-nasihat jūmystarynda qazaq halqynyŋ bi-şeşenderı men aqyn-jyraularynyŋ, ǧūlama-ǧalymdarynyŋ ūlaǧatty sözderın, taǧylymdy tūjyrymdaryn nasihattap keledı. Būl igı ıs ärdaiym jalǧasyn taba bermek.
Memleket basşysy Joldauda ekonomikalyq äleuetımızdı arttyrumen qatar, bılım sapasyn köteruge airyqşa män berdı.
İä, bılım – baǧa jetpes qazyna. Ilımsız örkeniet joq. Bügınde küş pen quat – bılımde. Ǧylymnan asqan qymbat dünie joq. Paiǧambarymyz Mūhammed (oǧan Allanyŋ salauaty men sälemı bolsyn): «Bılım men hikmet mūsylmandardyŋ joǧaltqan qazynasy, qai jerden tapsa da iemdenıp alsyn» degen. Oqu oryndarynda oqyp jürgen ūl-qyzdarymyz, bauyrlarymyz el-jūrtqa paida äkeler bılım ızdense, älemnıŋ eŋ ozyq tehnologiialaryn üirenıp, ony özgege üiretse – elge qosqan ülesı osy bolmaq.
Serıkbai qajy ORAZ,
Qazaqstan mūsylmandary dıni
basqarmasynyŋ töraǧasy, Bas müfti
