26 mamyrda «Jastar» MÜ-nde saǧat 10:00-den 13:00-ge deiın tek äielder men jastarǧa arnalǧan bos oryndar järmeŋkesı ötkızıledı. Onyŋ ūiymdastyruşysy – Astana qalasynyŋ äkımdıgı.
Mūnda bılım beru mekemelerı, densaulyq saqtau ūiymdary, qūrylys firmalary, qonaq üi, avtopark, ışkı ıster organy sekıldı 60-tan astam jūmys beruşıler özderındegı bos jūmys oryndaryn ūsynady.
Būl – biylǧy jyly osymen besınşı ret ötkızılıp jatqan järmeŋke. Jospar boiynşa 2016 jyly barlyǧy 12 bos oryndar järmeŋkesı ötkızılmek. Bügınge deiın ötkızılgen järmeŋkenıŋ arqasynda 116 adam jūmyspen qamtyldy.
Aǧymdaǧy jyly Jūmyspen qamtu ortalyǧy arqyly jūmysqa ornalasqan adamdardyŋ teŋ jartysy – äielder. Jūmyspen qamtu, eŋbek jäne äleumettık qorǧau basqarmasynyŋ basşysy Ermek Ospanov, qazaqstandyq äielderdıŋ öz mümkınşılıkterın körsetu üşın barlyq jaǧdailar jasalǧanyn aitty. Onyŋ aituynşa, qazırgı taŋda erlerge qaraǧanda, äielderdıŋ äleumettık jauapkerşılıgı basymyraq, ärı olar otbasy men balalarǧa köbırek qamqorlyq etedı.
– Äielder eşqaşan qol qusyryp otyrmaidy ärı erlerge qaraǧanda, äielder öz otbasyn asyrau üşın kez kelgen jūmysqa baruǧa daiyn. Qazırgı kezde, Astana qalasy äkımdıgınıŋ Jūmyspen qamtu ortalyǧy arqyly jūmysqa ornalasqan azamattardyŋ teŋ jartysy da äielder, – deidı Ermek Ospanov.
Osy jyldyŋ basynan bastap 2246 adam jūmysqa ornalasqan, olardyŋ 1086-sy – äielder. 919 adam qoǧamdyq jūmystarǧa jıberılgen bolsa, onyŋ 620-sy – äielder (67%).
397 adam käsıbi daiarlau, qaita daiarlau jäne bılıktılıgın arttyru kurstaryna baǧyttalsa, sonyŋ ışınde 235 adamy äielder bolyp tabylady (59%). Jastar praktikasyna 235 adam kırısken bolsa, sonyŋ 145-ın (66%) qyzdar qūraidy. Qazırgı taŋda, Jūmyspen qamtu ortalyǧy 661 mamandyq boiynşa kurstar ūiymdastyruda, olardyŋ 410 mamandyǧy äielderge arnalǧan (62%). Sonymen qatar, Jūmyspen qamtu ortalyǧynyŋ mälımetter bazasyndaǧy 1 322 bos oryndar elordanyŋ jūmys ızdeuşı äielderıne arnalǧan.
