Bügınde Astana qalasynda barlyǧy 6 myŋnan astam kamera bar. Onyŋ 600-den astamy tūrǧyndardyŋ tılegımen ornatylypty. Al 3 myŋnan astam päterge küzet qoiylǧan.
Qoǧamnyŋ tynyştyǧyn küzetıp, qylmystyŋ aldyn alu – kez kelgen polisiianyŋ basty maqsaty. Keiıngı kezde tärtıp saqşylaryna elorda tūrǧyndary da erıktı türde kömektesıp, bırtalai qūqyq būzuşylyqty anyqtauǧa septıgın tigızgen.
Tärtıp saqşylarynyŋ aituynşa, jūrtşylyqtyŋ kömegı bolmasa, qylmyspen küresude ülken nätijege jetu mümkın emes. Ärı tūrǧyndarmen tyǧyz bailanys ornatu olardyŋ polisiiaǧa degen senımın arttyra tüspek. Būǧan qosa, qoǧamnyŋ belsendılıgı qalada tärtıptıŋ ornyǧuyna da kömegı mol.
Qazırgı taŋda öz erıkterımen qylmysty anyqtap, oqiǧa turaly jedel polisiia qyzmetıne habarlasqandar köbeigen. Olardyŋ qatary kün sanap artyp keledı deidı IID mamandary.
Bügınde saqşylar «Sälemetsız be, men sızdıŋ polisiia inspektorymyn» atty aksiia aiasynda tūrǧyndar arasynda ūrlyqtyŋ aldyn alu, aulalar men kıreberısterde beinekamera, dabyl qaǧu qūrylǧylaryn ornatu arqyly qauıpsızdıktı saqtau jönınde tüsındıru jūmystary jürgızılgen.
Qolǧa alynǧan osy jūmystardyŋ arqasynda 326 beinebaqylau kamerasy ornatylǧan. Onyŋ 188-ı tūrǧyndardyŋ bastamasy eken. Sonymen qatar, tūrǧyn üi aulalaryna 95 kamera ornatylsa, onyŋ 65-ınde jūrtşylyq bastama kötergen.
Qazırgı taŋda qalanyŋ 191 kıreberısı beinekamera qūrylǧysymen jabdyqtalǧan. Al, dabyl qaǧu qondyrǧysy 45 päterge ornatylǧan.
Qymbat TOQTAMŪRAT
