Osydan bır ai būryn mektep oquşylary arasynda virustı A gepatitı örşıgenı baiqaldy. Osyǧan bailanysty Astana qalasy boiynşa Tūtynuşylardyŋ qūqyqtaryn qorǧau departamentı qandai şaralardy qoldandy? Jalpy, virustı A gepatitı qandai auru? Osy jönınde atalmyş departamenttıŋ Epidemiologiialyq qadaǧalau bölımınıŋ basşysy Saltanat Äubäkırovadan bılgen edık.
– Virusty A gepatitı turaly jalpy mälımet berıp, ony aldyn aludyŋ joldaryn aitsaŋyz.
– Düniejüzılık densaulyq saqtau ūiymynyŋ mälımetterınşe, būl – adamdardyŋ arasynda eŋ köp taralatyn jūqpaly auru. Şamamen alǧanda jyl saiyn älemde osy auruǧa 1,4 mln adam şaldyǧady. Aldymen adamnyŋ bauyry zaqymdanyp, būl jaǧdai saryauruǧa aparady. Onyŋ taralu joly jalǧyz – nauqastanǧan adamnan basqa adamǧa jūǧady. Būl viruspen köbınese 14 jasqa deiıngı balalar auyrady. Syrqattanuşylardyŋ 50 paiyzdan astamy osy jastaǧy balalar bolǧannan keiın statistika osylai deidı.
Ony aldyn alu üşın arnauly şara – vaksinalau qoldanylady. Astana qalasynda 2005 jyldan bastap josparly türde 2 jasar säbilerdı immundau jürgızıledı. Ol vaksina jergılıktı biudjet esebınen satyp alynady.
– Mektep oquşylary arasynda atalmyş virustyŋ örşuıne bailanysty qandai şaralardy qoldandyŋyzdar?
– Mektepterdı sumen jabdyqtau jüiesın, epidemiiaǧa qarsy rejimdı baqylaudy küşeittık. Odan basqa būryn ekpe jasalmaǧan 1,2,3,4 synyptardyŋ oquşylaryn, sondai-aq, olarmen qatynasta bolǧan joǧary synyp oquşylaryn immundau şeşımı qabyldanyp, ıske asyryluda.
– Al, eresek adamdarǧa ekpe jasau qarastyrylǧan ba?
– Virusqa qarsy ekpe jasatqysy keletın ülkenderge «OpenClinic» emhanasyna baryp, aqyly türde ekpe jasatuǧa keŋes beremız.
Amanǧali ŞMİTŪLY
