Astana qalasy mäslihatynyŋ Zaŋdylyq, qūqyq tärtıbı jäne jūrtşylyqpen jūmys mäselelerı jönındegı tūraqty komissiiasynyŋ otyrysy öttı. Onda qalalyq Bılım basqaramasynyŋ basşysy Elmira Suhanberdieva balalardyŋ zaŋdy müddelerın qorǧau jäne qūqyqtaryn saqtau barysynda atqarylǧan jūmystardyŋ barysymen tanystyrdy.
Bılım basqaramasy jasöspırımderdıŋ qūqyqtaryn qorǧau, olardyŋ alaŋsyz ösuıne qolaily jaǧdai tuǧyzyp, äleumettık jetımdık pen zorlyq-zombylyqtyŋ aldyn alu üşın keşendı jūmystar jürgızude. Bügınde elordada 292 bılım beru mekemesı bar, onyŋ ışınde 173 mektep jasyna deiıngı säbilerge arnalǧan. Orta mektepterdıŋ sany – 84 bolsa, 35 oqu orny tehnikalyq-käsıptık bılım beruge baǧyttalǧan. Ūzyn sany 33 164 baldyrǧan bala baqşalarǧa baryp, 94 712 oquşy mektepte bılım alady. Astanalyq 29 859 jasöspırım tehnikalyq-käsıptık bılım alyp jatyr. Biylǧy jyldyŋ säuırınen bastap, oquşylardyŋ 79,5 paiyzyna ystyq taǧam berıletın boldy. Al 20,5 paiyzy bufetten tamaqtanady. Oquşylardyŋ jalpy sanynyŋ 65 paiyzynyŋ, iaǧni, äleumettık jaǧdaiy tömen otbasylardan şyqqan balalardyŋ tegın tamaqtanuyna tolyq jaǧdai jasalǧan. Ol üşın 2 mlrd 024 mln 614 myŋ teŋge jergılıktı biudjetten bölınıptı.
İnkliuzivtı bılım beru jüiesın damytuda elordanyŋ oqu oryndarynyŋ üzdık täjribesın aituǧa bolady. Jyl saiyn osy maqsattaǧy mektepterdıŋ sany artyp keledı, qaladaǧy 47 mektepte mümkındıgı şekteulı balardyŋ bılım aluyna mümkındık jasalyp, jüz paiyz qamtylyp otyr.
Oquşylardyŋ jazǧy demalysyn ūtymdy ūiymdastyru maqsatynda jergılıktı biudjetten 220 mln 778 myŋ teŋge bölıngen.
Jasöspırımder men säbilerdıŋ qūqyqtaryn tüsındıru jūmystary da jolǧa qoiylyp, olardyŋ qūqyqtyq mädenietın tärbieleuge arnalǧan türlı şaralar jüielı türde ötkızılude.
– Memleket qamqorlyǧynan, qoǧam igılıkterınen tys qalǧan bır balanyŋ da joq ekenın aita alamyn. Jyl saiyn ötetın «Mektepke jol» jäne «Qamqorlyq» aksiialary osy tūrǧydaǧy jūmysymyzdy jandandyrady. Bügınde 23 245 oquşy orny tapşylyǧy bar. Degenmen,salynyp jatqan 8 mektep pen bır kolledjdıŋ qūrylysy būl mäselelerdıŋ tüiının tarqatady – dedı Elvira Amangeldıqyzy.
Aigül UAISOVA
