Elmira SUHANBERDİEVA: Öz balalaryma qalai alaŋdasam, özgelerge de solai alaŋdaimyn
Elordanyŋ bılım salasy – tolǧauy toqsan tırşılıktıŋ toǧysqan jerı. Äleumetpen tıkelei bailanysty sala bolǧandyqtan, jauapkerşılıgı de ülken. Osy salanyŋ san qatparly şaruasyn Elmira Suhanberdieva döŋgeletıp otyr. Ol negızı bala kezınde mūǧalım bolam dep oilamasa kerek. Bıraq qoǧamǧa paidaly ıs jasaudy jastaiynan armandaǧan. «Bala kezımde bıreuge tittei kömegım tise, mäz bolyp qalatyn edım. Qaiyrymdylyq jasaudy qasiet tūttym. Qalalyq mäslihattyŋ deputaty bolǧan kezde jūrtşylyqtyŋ mūŋ-mūqtajyn şeşuge kömektesıp, elge paidamdy tigızemın degen balalyq armanyma qol jetkızgendei boldym» deidı keiıpkerımız.
Nebary 24 jasynda mektep direktory bolǧan Elmira Amangeldıqyzy bala tärbiesıne asa yjdahattylyqpen qaraidy. Äsırese, öskeleŋ ūrpaqtyŋ qauıpsızdıgı ol üşın eŋ maŋyzdy mäsele. Osy ıske nemqūraily qaraǧan talai pedagogty täjıribesıne, bılımıne qaramai jūmystan şyǧarǧan kezderı bolypty. «Bılesız be, ata-analar düniedegı eŋ qimasyn, eŋ qymbattysyn bızge, mūǧalımderge senıp tapsyryp otyr. Ärbır mektep, ärbır balabaqşa balalardyŋ qauıpsızdıgıne basymen jauapty. Būl – öte näzık mäsele. Būǧan kelgende men tym qatalmyn jäne jazam da qatal. Men öz balalarymnyŋ qauıpsızdıgıne qanşalyqty alaŋdasam, basqa jetkınşekterge de sondai alaŋdaimyn. Bılım ūiymdarynda oqyp jatqan ärbır oquşy menıŋ jalǧyzym sekıldı» deidı basqarma basşysy.
Balalar demekşı, Elmira Suhanberdieva qat-qabat jūmysy bastan asyp jatsa da ana, jar ekendıgın eşqaşan esınen şyǧarǧan emes. Joldasy Berık ekeuı tört perzenttı düniege äkelıp, tärbielep otyr. Tūŋǧyşy Gauhar Angliiada oqidy. Ekınşı qyzy Zarema – mektep oquşysy. Üşınşı perzentı – Jänıbek tört jasta bolsa, onyŋ artynan kışkentai ınısı Iliias ösıp keledı. Al otaǧasy – sportşy. Futbol federasiiasynda jūmys ısteidı, şaǧyn käsıbı bar.
– Maǧan Berıktei azamatty jolyqtyrǧan taǧdyryma rizamyn. Ekeumızdıŋ otasqanymyzǧa 26 jyl boldy. Unversitette bırge oqydyq. Ekınşı kursta üilendık. Sodan berı ömırdıŋ aşy-tūşysyn bırge körıp kelemız. Ömırlık jartyŋnyŋ saǧan ünemı qoldau bıldırıp, süieu bolyp, tüsınıstıkpen qarap otyrsa, äielge odan artyq qandai baqyt kerek?! – deidı Elmira Amangeldıqyzy.
Keibır äielder jūmysyn būldap, ana, jar retındegı mındetın bosaŋsytyp jıberetını bar. Al Elmira Suhanberdieva olardyŋ qatarynan emes. Onyŋ kündelıktı jūmys kestesınıŋ är saǧaty men minuty naqty josparlanǧan. Onyŋ ışınde otbasyna mındettı türde uaqyt bar. Basqarma basşysynyŋ pıkırınşe, är bala taŋerteŋ oianǧanda jäne ūiyqtar aldynda mındettı türde anasyn köruı kerek. Özı osy qaǧidatty būljytpai oryndauǧa tyrysady. «Qyzmettegı äielder jūmysyn da, otbasy tärbiesın de qatar alyp jüruı kerek. Eger adam kündelıktı ıs-äreketın dūrys josparlasa, qai-qaisysyna da ülgeruge bolady» deidı ol. Esesıne, keiıpkerımız tamaq jasau, üi jinau sekıldı jūmystarǧa osaldau ekenın moiyndady. «Qazır qyzdarym östı, qolymda sıŋlılerım bar. Üi şaruasy, tamaq jasau – solardyŋ moinynda. Bıraq anda-sanda as äzırleuge degen «mahabbatym» oianyp ketetını bar. Ondai kezde äzırlegenım ǧūrly ainalamdaǧy jaqyndarymdy «sen säbız tazala, al sen sarymsaq arşy» dep jūmsap bıtemın. Sonda qyzdarym: «tüu, mama, tamaqty kım solai jasaidy?» dep küledı. Bıraq aiyna-jylyna bır tamaq jasap qoisaŋ, «tamaǧyŋyz qandai dämdı bolǧan?» degen ıltipatty sözderdıŋ astynda qalyp, qadırıŋ artyp-aq qalady ǧoi» dep äzıldep qoidy.
Äiel – är üidıŋ qūt-berekesı. Elmira Amangeldıqyzy da ülken bır äulettıŋ yrysy bolyp otyr. Özı ünemı janaşyrlyq tanytyp jüretın jaqyndary būǧan da qamqorlyǧyn aiaǧan emes. Elmira Suhanberdievanyŋ, äsırese, enesıne degen qūrmetı erekşe. «Men kelın bolyp tüsken künnen bastap maǧan aqylşy-keŋesşı bolǧan, kerek kezde ünemı qasymnan tabylatyn eneme rizaşylyǧym şeksız. Aitpaqşy, 8 nauryz – ol kısınıŋ tuǧan künı. 70 jasqa tolyp otyr. Gazetterıŋız arqyly enemdı qūttyqtap, oǧan bar jaqsylyqty tılegım keledı» dedı ol.
Elmira Amangeldıqyzynyŋ jūrtşylyq bıle bermeitın taǧy bır qyry – änşılıgı. Kezınde muzykalyq mekteptı bıtırgen ol fortepiano men gitarada da şeber oinaidy. Jurnalistık qyzyǧuşylyqpen qoiarda-qoimai, basqarma basşysynyŋ telefon jadyna saqtalǧan bır änın tyŋdap qaittyq.
8 nauryzdy bızdıŋ keiıpkerımız jaqyndaryn, qūrbylaryn qūttyqtau üşın taǧatsyzdana kütedı. «Öz basym qyzǧaldaq, ınjugül siiaqty qarapaiym gülderdı jaqsy köremın. Mınezım bylai qataldau, qyzba körıngenımen, talǧamǧa kelgende ūstamdy adammyn. Jaqsy köretın gülderım de talǧamyma sai» deidı ol.
Qymbat Toqtamūrat
astana-akshamy.kz
