İnvestisiiaǧa – qolaily orta
Astanada Qazaqstannyŋ Euraziialyq biznes qauymdastyǧynyŋ aiasynda QR investisiialyq klimatyn jaqsartu maqsatyndaǧy döŋgelek üstel öttı.
Mūnai baǧasynyŋ qūldyrauy sebebınen älemdık ekonomikada qalyptasqan jaǧdai bızge de salqynyn tigızdı. Soǧan qaramastan, Qazaqstan industrialandyru saiasatyn odan ärı jürgızıp, investisiia tartudy jalǧastyryp keledı. Būl salanyŋ būǧan deiıngı körsetkışı de el ekonomikasy quatynyŋ artqandyǧyn jäne investisiialyq tartymdylyǧynyŋ dälelı bolsa kerek. Mäselen, soŋǧy on bır jylda 220 mlrd dollar şeteldık tıkelei investisiia ekonomikanyŋ türlı salalaryna jan bıtırıp, jūmysyn jandandyrdy. Sonyŋ ışınde industrialandyru baǧdarlamasynyŋ aiasynda 2005 jyldan berı tıkelei tartylǧan investisiianyŋ 77% el ekonomikasynyŋ auqymdy bölıgın alyp jatqan öŋdeu salasyna qūiylǧan.
Al qazırgı kezde Astana investisiia tartudyŋ ortalyǧyna ainalyp otyr. Mysaly, ötken jyly qalaǧa tartylǧan investisiia kölemı 772,7 mlrd teŋge bolyp, 2014 jylmen salystyrǧanda 17% ösken.
İnvestisiia tartu mäselesınde Ükımette tynymsyz jūmys ısteude. Ükımet basşysy janynan transūlttyq kompaniialardyŋ qatysumen jasalyp jatqan ırı investisiialyq jobalardyŋ jūmysyn baqylau üşın arnaiy keŋes qūryldy.
Sondai-aq, Syrtqy ıster ministrlıgımen bırlese otyryp, investisiia boiynşa arnaiy keŋesşıler jıberıletın 10 el anyqtaldy. Olar: AQŞ, Ūlybritaniia, İtaliia, Oŋtüstık Koreia, İran, Japoniia, Germaniia, Fransiia, Qytai, Ündıstan.