Elordada mümkındıgı şekteulı jandarǧa qyzmet körsetudı jaqsartu, kedergısız orta qalyptastyru, olardy jūmyspen qamtu üşın qandai şaralar jürgızılıp jatyr?
Jūmyspen qamtu jäne äleumettık qorǧau basqarmasynyŋ mälımetınşe, QR mügedekterdıŋ qūqyqtaryn qamtamasyz etu jäne ömır süru sapasyn jaqsartu jönındegı 2012-2018 jyldarǧa arnalǧan ıs-şaralar jospary aiasynda 2017 jyly Astana äkımdıgı tarapynan qaladaǧy pandustardyŋ jaǧdaiyna tolyq monitoring jasalypty. Nätijesınde 2012-2017 jyldary 1106 nysan pasporttalyp, bügınde 989 nysan Qūrylys normalary men erejelerıne säikestendırılgen. Qalǧan 117 nysanda halyqtyŋ älsız toptary üşın kedergısız qoljetımdılıktı qamtamasyz etu boiynşa jūmystar älı de jalǧasuda. Qazırgı uaqytta mūndai nysandar ülesı – 89,4 paiyz. Jospar boiynşa biyl būl baǧyttaǧy jūmystar 100 paiyz jaqsarmaq. Mäselen, mümkındıgı şekteulı jandar üşın pandustar salynyp, tehnikalyq mümkındıkter arttyrylyp, sanitarlyq-tūrmystyq bölmeler jabdyqtalmaq.
Al Astana tūrǧyndaryn jūmyspen qamtuǧa järdemdesudıŋ keşendı jospary aiasynda byltyr – 737, Jūmyspen qamtu qyzmetınıŋ kömegımen 678 mümkındıgı şekteulı jan jūmyspen qamtylǧan. Onyŋ 385-ı tūraqty jūmysqa, 19-y äleumettık jūmys oryndaryna, 14-ı jastar täjıribesı boiynşa, 260-y qoǧamdyq jūmysqa ornalasqan.
Sol siiaqty 59 qala tūrǧyny şeber-şaştaraz, elektromonter, tıgınşı, santehnik-slesar, äkımşı, konditer, baqylauşy-kassir mamandyqtary boiynşa käsıptık oqytu kursynan ötken.
Sonymen qatar 8 ret bos oryndar järmeŋkesı jäne 15 ret şaǧyn järmeŋke ūiymdastyrylypty. Astana qalasy äkımdıgınıŋ 2016 jylǧy 16 qaraşadaǧy qaulysyna säikes, auyr jūmys pen ziiandy, qauıptı eŋbek jaǧdailary bar jūmystardy esepke almaǧanda, qyzmetkerlerdıŋ tızımdık sanynyŋ 2-4 paiyzǧa deiıngı mölşerde jūmys oryndarynyŋ kvotalary belgılengen. Menşık nysanǧa qaramastan, barlyq ūiym kvotalauǧa jatady.
Sondai-aq qazırgı uaqytta 23 arnaiy jabdyqtalǧan kölık qūraly invataksi qyzmetın ūsynady. Jospar boiynşa biyl osyndai kölıkter sany ūlǧaitylmaq. Qoldanystaǧy zaŋnamaǧa säikes, qamköŋıl jandar arbalarmen, protezdık-ortopediialyq būiymdarmen, surdotehnikalyq qūraldarmen, mındettı gigienalyq qūraldarmen qamtamasyz etılıp, olarǧa şipajailarǧa joldama berıluı tiıs.
Būdan bölek, jeke kömekşınıŋ, ymdau tılı mamanynyŋ qyzmetterı de körsetıledı. Mügedek balalary bar otbasylarǧa üide oqytuǧa jūmsalǧan şyǧyndar ötelıp, oŋaltu qūraldarymen qamtamasyz etu jönındegı mındettemeler astanalyqtardyŋ ötınışı boiynşa tolyq kölemde oryndalady. Jūmyspen qamtu jäne äleumettık qorǧau basqarmasy ükımettık emes ūiymdarmen, sonyŋ ışınde mümkındıgı şekteulı jandardyŋ qoǧamdyq bırlestıkterımen tūraqty türde yntymaqtastyqta jūmys jürgızude.
