KÖZDEGENIMIZ – SAPA KÖRSETKIŞI
Astana medisina universitetınıŋ rektory, professor Mäjit Şaidarov aituly oqu orny studentterımen Memleket basşysy N.Ä.Nazarbaevtyŋ «Qazaqstan – 2050» strategiiasy: qalyptasqan memlekettıŋ jaŋa saiasi baǧyty» atty Joldauyna arnalǧan kezdesu ötkızdı.
Oqu orny basşysy öz sözınde Elbasy Nūrsūltan Nazarbaevtyŋ halyqqa arnaǧan Joldauynda aldymen Qazaqstandaǧy adam kapitalynyŋ sapa jaǧynan ösuıne erekşe nazar audarǧanyn atap öttı. Osy oraida, äsırese, bılım beru jäne densaulyq saqtau salasyna airyqşa maŋyz berılgenın jetkızdı.
Kezdesu barysynda universitettıŋ ötken jyldaǧy jūmystary jönındegı mälımetter jariialanyp, basşylyq men studentter arasynda erkın dialog oryn aldy. Bügıngı taŋda universitet ūjymy bolaşaq mamandardyŋ sapasyn arttyruǧa köp köŋıl böledı. Būl jerde studentterdıŋ sabaq ülgerımınıŋ jäne bılım beru qyzmetındegı sapa körsetkışterınıŋ taldauy negızge alynady. Oqu orny bırınşı kursqa qabyldanatyn studentterdıŋ sanyna ekınşı jyl maqsatty türde şekteu qoiyp otyr. Bıraq, bırınşı kursqa qabyldanatyn talapkerler sanyna şekteu qoiylǧanmen, sapa körsetkışınıŋ artqanyn baiqaimyz. Mysaly, 2012 jyly qabyldanǧan talapkerlerdıŋ 18 paiyzdan astamy – «Altyn belgı» tösbelgısınıŋ iegerlerı, halyqaralyq jäne respublikalyq olimpiadalardyŋ jüldegerlerı. Būl respublikamyzdaǧy barlyq medisinalyq joǧary oqu oryndaryndaǧy körsetkışterden 4 ese artyq ekenın aita ketken jön. Osyndai ūstanymnyŋ arqasynda soŋǧy ekı jylda «Farmasiia», «Jalpy medisina», «Qoǧamdyq densaulyq saqtau» mamandyqtarynda oqityn studentterdıŋ sabaq ülgerımderı jaqsardy. Al, akademiialyq qaryzdaryn ötei almaǧandyǧy üşın 211 student oqudan şyǧaryldy. Aqyly negızde oqityn studentter sabaqty jaqsy oqysa, memlekettık grantqa auysa alady. Mysaly, ötken jyly 65 student memlekettık grantqa auysty.
Osy eseptık jylda universitettıŋ materialdyq-tehnikalyq bazasy aitarlyqtai nyǧaidy. Praktikalyq maşyqtardy igeru sapasyn jaqsartu maqsatynda 600-den astam student türlı aimaqtardaǧy emdeu mekemelerınde oqu-öndırıstık praktikadan öttı. «Qoǧamdyq densaulyq saqtau» mamandyǧy boiynşa 3-kurstyŋ bes studentı akademiialyq ūtqyrlyq aiasynda Novosıbır memlekettık medisina universitetınde (Resei) bır semestrlık oquǧa bardy, 172 student Qazaqstannyŋ medisinalyq joǧary oqu oryndarynda jekelegen siklderdı oqydy.
«Astana medisina universitetı» AQ studentterı men jas ǧalymdardyŋ 55-ı ǧylymi-praktikalyq konferensiiasynyŋ qorytyndysy boiynşa 30 student jäne jas ǧalym marapattaldy. Sonymen qatar, keibır studentter Mäskeu, Sank-Peterburg, Oral, Aqtöbe qalalarynda ötken ǧylymi konferensiialarǧa qatysyp, jüldelı oryndardy ielendı.
Oqu ornyn bıtırgen tülekterge degen sūranystyŋ joǧary ekendıgı baiqalady. Byltyr därıger-internder men tülekterdı jūmysqa ornalastyru körsetkışı 96 paiyzdy qūrap, olardyŋ 17 paiyzy auyldyq jerlerdegı emdeu-profilaktikalyq mekemelerge jūmysqa jıberıldı. Oqytuşy-professorlyq qūram da pedagogikalyq bılıktılıktı jäne şeberlıktı şyŋdauda talmai eŋbek etude. Bılım jäne ǧylym ministrlıgı ötkızgen baiqau qorytyndysy boiynşa tört oqytuşy «Jyldyŋ üzdık ūstazy» ataǧyna ie boldy.
Bızdıŋ segız üzdık studentımız Prezident N. Nazarbaev şäkırtaqysynyŋ iegerı. 2011-2012 oqu jylynyŋ qorytyndysy boiynşa sabaqty jaqsy oqyp, ǧylymi-qoǧamdyq jūmystarǧa belsendı aralasqany üşın üş student V.G.Korpachev atyndaǧy şäkırtaqynyŋ iegerı atandy. Sondai-aq, studentter oqu jyly barysynda respublikalyq jäne halyqaralyq deŋgeidegı türlı 70 qoǧamdyq ıs-şaraǧa belsendı türde qatysty.
Sondai-aq, «Astana medisina universitetı» AQ Sapa menedjmentı Europalyq qory (EFQM) Kemeldık modelınıŋ «Moiyndalǧan kemeldık» dep atalatyn ekınşı deŋgeiıne öttı jäne Qazaqstan JOO arasynda bırınşı bolyp 4 jūldyz aldy.
Universitet qyzmetınıŋ maŋyzdy baǧyttarynyŋ bırı – jemqorlyqtyŋ aldyn alu. Sessiia aldynda bılım aluşylar arasynda jasyryn türde saualnama jürgızıledı. www.amu.kz saityndaǧy «Rektordyŋ jeke poştasy», senım telefony, ūsynystar men şaǧymdarǧa arnalǧan jäşık tūraqty türde jūmys ısteidı.
Osylaişa oqytuşy-professorlar qūramynyŋ, studentterdıŋ jemıstı eŋbegınıŋ arqasynda universitetımız elımızdegı medisinalyq JOO arasynda ekınşı jyl qatarynan bırınşı oryndy ielendı.
Marjan SERIKJANQYZY,
«Astana medisina universitetı» AQ Web–ökıldık jäne qoǧammen bailanys
bölımı mamany