Astana qalasy äkımdıgınıŋ şaruaşylyq jürgızu qūqyǧyndaǧy «№1 qalalyq balalar auruhanasy» memlekettık kommunaldyq käsıporny – somatikalyq patologiiasy bar balalarǧa, jaŋa tuǧan närestelerge jäne 15 jasqa deiıngı jasöspırımderge bılıktı mamandandyrylǧan stasionarlyq jäne keŋestık-diagnostikalyq medisinalyq kömek körsetetın köpbeiındı, emdık-dagnostikalyq mekeme.
Bügıngı taŋda mūnda jaŋa tuǧan näresteler men 15 jasqa deiıngı balalarǧa joǧary sanatty mamandar arnauly mamandandyrylǧan kömek körsetedı. Emdeu mekemesındegı därıgerlerdıŋ 70 paiyzynyŋ, al meiırbikelerdıŋ 60 paiyzynyŋ bılıktılık sanaty bar.
Qaladaǧy ılkı jyldary qūrylǧan zamanaui stasionardyŋ bırı retınde bızdıŋ auruhana – IýNİSEF balalar qorynyŋ «Bala jüregıne jaqyn auruhana» ataǧyna ie bolǧan bırden-bır medisinalyq mekeme. Mūndai ataq omyrau sütımen qorektendırudı belsendı türde nasihattaityn medisinalyq ūiymdarǧa berıledı. Bala üşın ana sütın eşqandai tamaq almastyra almaidy. Sonymen qatar, būl ana üşın yŋǧaily jäne ünemdı. Närestelerdı ekı aiynda emşekten şyǧaryp, süt qospasyn beru – bala asqazanyndaǧy oiyq jaranyŋ sebepşısı ekenın 1960-1970 jyldary zertteu jürgızu barysynda ǧalymdar anyqtaǧan.
Auruhanamyzda «Qazaqstan Respublikasy densaulyq saqtau ısınıŋ üzdıgı» tösbelgısımen marapattalǧan bes qyzmetker, «Astananyŋ 10 jyldyǧy» medalın alǧan ekı qyzmetker, «Täuelsız Qazaqstan» medalımen marapattalǧan bır qyzmetker jūmys ısteidı.
№1 qalalyq balalar auruhanasynyŋ Täuelsızdık daŋǧyly 11/1 mekenjaiyna köşıp, pediatriialyq bölımşelerdıŋ örısın keŋeitıp, kereuet qoryn 250 koikaǧa deiın köbeituı qyzmetkerler üşın de, elorda tūrǧyndary üşın de ülken jaŋalyq boldy.
Stasionar deŋgeiındegı BJAYJ baǧdarlamasy, emşek sütımen qorektendıru baǧdarlamasy, otbasyn josparlau baǧdarlamasy boiynşa jūmys qarqyndy jürgızılude. Osyǧan orai, bala kütımındegı analarǧa jasalatyn jaǧdai jaqsardy. Emdeu sapasyn arttyru näreste ölımın tömendetu, aurudyŋ asqynuynyŋ aldyn alu üşın barlyq jaǧdailar jasaldy.
Sapaly mamandandyrylǧan jäne äleumettık-reabilitasiialyq kömek körsetudegı basty mındet – densaulyǧynda kınäraty bar balalardan bas tartudyŋ aldyn alu, halyqaralyq standarttar deŋgeiınde diagnostikalau jäne emdeu üşın mümkındıkter jasai otyryp, näreste ölımın azaituǧa, Qazaqstandaǧy mügedekter men jetımder sanyn azaituǧa kömektesu. Keleşekte bızdıŋ emdeu mekemesı balalarǧa jäne mümkındıgı şekteulı balalarǧa reabilitasiialyq jäne somatikalyq kömek körsetu salasynda aimaqtyq köşbasşy boluy tiıs.
Bügıngı taŋda allergiialyq, endokrinologiialyq, gemotologiialyq, kardiorevmatologiialyq, gastroenterologiialyq auruy bar balalarǧa, sondai-aq, jaŋa tuǧan näresteler men şala tuǧan närestelerge kömek körsetılude. Mümkındıgı şekteulı balalarǧa erekşe köŋıl bölınedı. Balalar nevrologiiasy bölımşesı bazasynda reabilitasiialyq keşen (logoped, psihoterapevt, fizioterapevt, uqalau, EDK) jürgızıledı. Nauqastar tegın medisinalyq kömektıŋ kepıldendırılgen kölemı aiasynda gospitalizasiialanady. Stasionarda täulık boiy jata almaityn balalarǧa kündızgı stasionar qyzmet körsetedı.
Bızdıŋ auruhanada midy tolyq tekseruden ötkızuge bolady. Sondai-aq, UDZ, rentgen jäne t.b. kabinetter bar. Jedel jelı telefondary täulık boiy jūmys ısteidı. Bala densaulyǧy jäne olarǧa kütım jasau mäselelerı boiynşa analardyŋ kez kelgen uaqytta keŋes aluyna barlyq mümkındıkter qarastyrylǧan.
2010 jyldyŋ 1 qaŋtarynan bastap Densaulyq saqtaudyŋ bıryŋǧai aqparattyq jüiesı boiynşa jūmys ıstep kelemız. Auruhanamyzda stasionarlyq kömektı ūiymdastyrudaǧy jaŋa ädısterdıŋ tiımdılıgı baiqalady. Därıgerdıŋ psihologiiasy, jauapkerşılıgı men talpynysy jaqsy jaǧyna qarai özgerude. Basty maqsatymyz – medisinalyq kömek sapasyn jaqsartu. Auruhana ūjymy ǧylym men täjıribeden alynǧan bar jaqsyny balalarǧa arnauda.
Äsel SEIITQAZİNA,
Astana qalasyndaǧy №1 balalar auruhanasy bas därıgerınıŋ orynbasary
