Elımızdıŋ basty merekesı qarsaŋynda 22 jyldyq eŋbegım baǧalanyp, «Täuelsızdıkke 30 jyl» tösbelgısımen marapattaldym. Būl – men üşın ülken maqtanyş, ärı artylǧan senım.
Elordaǧa sonau 1986 jyldary kelıp, osynda oquǧa tüsıp, eŋbek jolymdy bır jerde bastap, sol jerde tūraqty jalǧastyryp kele jatqan därıgermın. 2021 jyl balalarǧa oŋai timedı. Sebebı koronavirus olardy da ainalyp ötken joq. Auyrǧan balalar boldy, bıraq olar uaqytynda emdelıp şyqty. Asqynuǧa jol bergen joqpyz. Bızdıŋ emhana eskı vokzal jaqtaǧy audandardy qamtidy. Bızge qarasty aumaqta derttı jūqtyryp üide emdelgender de, stasionarda jatyp emdelgen balalar da boldy. Şamamen 100 şaqty bala jūqtyrdy, şılde, tamyz ailarynda köp anyqtaldy. Sonyŋ ışınde 10 şaqtysy ǧana auruhanada jatyp em aldy. Balalardyŋ boiynda da auru belgılerı – qyzu, älsızdık, jötel. Qyzu tüspei qoiǧan jaǧdaida stasionarda jatuyna tura keledı. Bıraq balalar eresekterge qaraǧanda öte tez jazylady. Qaramaǧymyzda 6 memlekettık, 2 jeke mektep bar. Solardyŋ ışınde 12-17 jas aralyǧynda 500-dei balaǧa koronavirusqa qarsy ekpenı ata-analarynyŋ rūqsatymen saldyq. Balalar arasynda vaksinasiiany qaraşanyŋ 18-de bastaǧanbyz, sondyqtan qazır ekınşı komponentın saldyratyn uaqyt da bolyp qaldy. Basynda qarsy bolǧan ata-analar qazır bärın tüsınıp, balalaryn ekpe saldyruǧa alyp kelıp jatyr. Men özım de 14 jastaǧy qyzyma ekpe saldyrdym. Sebebı ony osylai ǧana qauıptı dertten qorǧauǧa bolatynyn bılemın. Aldaǧy jyldan küter ümıt köp. Pandemiia tezırek aiaqtalyp, qalypty ömırge qaita oralamyz dep senemın. Ol üşın el bolyp, bärımız ūjymdyq immunitet qalyptastyruǧa atsalysuymyz kerek. Barşa elordalyqtardy ekpeden qoryqpai, özderın qorǧau arqyly özgelerge de jaqsylyq jasauǧa şaqyramyn.
Altyngül JÜRSINOVA,
№2 qalalyq emhana balalar
bölımşesınıŋ meŋgeruşısı
