Mektepte 20 jyl ūstazdyq etıp, bügınde 4 bala tärbielep otyrmyn. Adam balasy bolǧan soŋ, men de ömırımde köptegen qiyndyqtardy bastan ötkerdım. Qarjylyq qiyndyqtardyŋ qos büiırımızden qysqan kezderı de boldy.
Öitkenı är balanyŋ öz qajettılıkterı men beiımı bar, jany ūnatqan ısı bolatyny anyq. Sony qoldasam deimın. Mūǧalımnıŋ bır jalaqysy bärıne jetpeitının tüsındım, sodan keiın öz käsıbımdı aşu ideiasy keldı. Nätijesınde «Bastau Biznes» jobasy boiynşa bılım alyp, 505 000 teŋge grant ūtyp aldym, massaj bölmesın aştym. Bıraq būl oqiǧa COVID-19 ındetınıŋ şaryqtau şegıne tūspa-tūs keldı. Amal joq karantinge jabyluǧa mäjbür boldyq.
Sonda da ümıtımdı üzbei, aqşa tabudyŋ basqa joldaryn ızdei bastadym. Nätijesınde «Biznestıŋ jol kartasy-2025» granty boiynşa konkursqa qatysyp, memleket grantyna ie bolyp, «Bilim all IT» bılım beru ortalyǧyn aştym.
Öitkenı ūlymnyŋ Nazarbaev Ziiatkerlık mektebıne tüsuı üşın qajettı ball jinai almaǧany esımde edı. Artyq aqşamyz bolsa, oqu kurstaryna tüsuge mümkındıgımız bolar edı dep maǧan renjıp keldı. Osy oqiǧadan keiın ol halyqtyŋ äleumettık osal toptaryndaǧy balalarǧa qoljetımdı, keide tegın bılım aluǧa kömektesu üşın bılım beru ortalyǧyn aşudy ūiǧardym. Qazır mümkındıgı şekteulı jäne köp balaly otbasynan şyqqan balalardy tegın oqytamyn. Aşylǧannan keiın ortalyqqa 300-den astam bala jazyldy, būl şaǧyn käsıporyn üşın jaqsy körsetkış.
Öz käsıbın aşqysy keletın qyz-kelınşekterge bastauǧa eşqaşan keş emes. Äreket etken adam tabysty bolady. Özın-özı syilap, süiudı üirengen adam älemdı süie bastaidy. Osy jerde özımdı mysalǧa keltıreiın. Men öz mansabymda eşqandai täjıribesız ülken jetıstıkterge jettım. 2010 jyly «Jyldyŋ üzdık ūstazy» ataǧyn jeŋıp aldym. 2011 jyly ministrdıŋ «Üzdık ūstaz» syilyǧyn, «Amanat» partiiasynyŋ, oblystyq, qalalyq bılım basqarmalarynyŋ jäne qala äkımınıŋ Alǧys hattaryn alyp quandym. 2021 jyly Memleket basşysy Qasym-Jomart Toqaev «Halyq Alǧysy» medalımen marapattady. Söz soŋynda aitarym, bız baǧyndyrmaityn asular joq. Men ärbır äielge özıŋızge senıŋız, üirenıŋız deimın. İä, būl qarapaiym jäne ädemı estıledı, bıraq uaqyt aǧymyna ılesu üşın öz betıŋızben jūmys ıstep, özıŋızdı jetıldırıp, keide odan da ozyp ketu kerek. Eger sız käsıpker äiel bolsaŋyz, käsıbıŋız Sızdı barlyǧynan oq boiy ozyq boluǧa mındetteidı degım keledı.
Ūljan Myrzageldieva
