Keşegını bügıngımen salystyruǧa kelmeidı. Soŋǧy bes jyl bederıne zer salsaq, ǧylymda ırgelı jetıstıkter bolǧan eken. Aitidıŋ qūrylymyn, nano tehnologiiany meŋgerıp, öndırıstı kezeŋ-kezeŋımen modernizasiialauǧa bet būrdyq. Al osylar jüielı ūiymdastyryluy üşın barlyq oqu oryndary bılımdı täjıribe jüzınde ūştastyruy qajet.
Qaisybır el bolmasyn onyŋ ekonomikasyna erekşe serpın beretın salanyŋ bır tarmaǧy – auyl şaruaşylyǧy. Būl qūrylymdaǧy tehnikalardy meŋgeru ısı önımdı eseleuge mümkındık berude. Osy zamanaui kölıkterdıŋ jalpy sipatyn egjei – tegjei tüsındıretın joǧary oqu oryndarynyŋ bırı – S.Seifullin atyndaǧy Qazaq agrotehnikalyq universitetı.
Elu bes jyldyq tarihy bar būl oqu orny 2005 jyldan bastap qaşyqtyqtan oqytu ısın qolǧa aldy. Aldymen elektrondy oqulyqty äzırlep şyǧardy.Kelesı jyly jüielık internet tehnologiiasyn ıske qosty. Mūǧalım men student elektrondyq poşta arqyly bailanysqa şyǧyp tapsyrma alady jäne bılım portalynda ornalasqan oqulyqtardy paidalanady. – Germaniiada qaşyqtyqtan oqytu jaqsy jolǧa qoiylǧan. Bız alǧaş ret mūny ıske asyrar aldynda jekelegen qiyndyqtarǧa tap boldyq. Bırı kıtap ışındegı negızgı taqyrypty qamtiyq dese, ekınşısı mektep bıtıruşıler de osy baǧdarlamany oquy tiıs degen uäj aitty. Öitkenı, būl ekınşı mamandyq aluǧa niet bıldırgenderge arnalǧan keşendı joba, – deidı atalmyş oqu ornyndaǧy qaşyqtyqtan oqytu tehnologiiasy ortalyǧynyŋ direktory Jūmaş Täuırbaev.
Aqyry oqu baǧdarlamasyna engızılgen oqulyqtardyŋ barlyǧy bılım portalynan oryn alǧan. Studentke tapsyrma elektrondy pochta arqyly berıledı. Bıraq, oqu ornyna kelıp, bır jarym ailyq sessiiada negızgı pänderden därıs alyp, synaq, emtihan tapsyrady. Osy merzımde universitet aumaǧyndaǧy tehnikalyq parkten täjıribeden ötedı.
… Osy oqu ornynyŋ kündızgı bölımınde oqyp jürgen bır student kezdeisoq kölık apatyna duşar bolady. Sonyŋ saldarynan aiaǧyn basyp jüre almaǧan. Oquy orta joldan üzılıp qalmas üşın universitet basşylyǧy joǧarydaǧy atalǧan jüie (qaşyqtyqtan oqu) boiynşa bılım aluyna kelısımın beredı.
Universitettegı säulet önerı fakultetınıŋ de alar orny erekşe. Osyndaǧy ūstazdar qalamyzdaǧy bırqatar nysandardyŋ eskizdık jobasyn äzırleuge atsalysqan. Bıreu bıler, bıreu bılmes aldaǧy uaqytta elordamyzda boi köteretın «Şatyr astyndaǧy qala» atty bıregei jobanyŋ ideiasyn oilap tapqan da osy fakultet eken. Ol boiynşa ǧylymi zerthanalar men emdeu – sauyqtyru oryndary boi kötermek.
Oqu ornyndaǧy Ǧylym keŋesı qūramynyŋ on ekı paiyzyn studentter qūraidy eken. Qazır mūnda 9693 şäkırt bılım aluda. Olardyŋ arasynda Armeniia, Auǧanstan, Qyrǧyzstan men Täjıkstannan kelgen jastar bar. Türlı ūlttyŋ basyn qosqan bılım şaŋyraǧy bolaşaqta studentterge arnalǧan jaŋa jataqhanany ıske qosudy mejelep otyr. Maŋyzdy şaralarda top jaryp jürgen jastaryna mūndai qamqorlyq eş artyqtyq etpeidı. Bastysy, äleumettıŋ qoljetımdılıgın qamtamasyz etken qaşyqtyqtan oqytu ısı – mümkındıgı şekteulı azamattarǧa oŋtaily bolyp tūr. Jahandanu kezeŋınde tehnologiianyŋ ozyǧyn alaqanǧa salǧan jaŋa baǧdarlamalardyŋ keleşegı ämanda kemel.
Ämırhan ALMAǦANBETOV
