Otandy qorǧau – azamattyŋ boryşy
Täuelsız Qazaqstannyŋ atauly töl merekelerı bar. Solardyŋ bırı – Otan qorǧauşylar künı. Osydan jiyrma bır jyl būryn 7 mamyrda Qazaqstan Respublikasynyŋ Prezidentı Nūrsūltan Nazarbaev Ūlttyq Qaruly Küşterdı qūru turaly jarlyqqa kol qoidy. Sodan berı elımızde qyruar ıster atqarylyp jatqanyn qazaqstandyqtar jaqsy bıledı.
Qazaqstan Qaruly Küşterınıŋ aibyny kün sanap öskenıne kuämız. Qazaqstandyq sardarlar men sarbazdar aldyŋǧy qatarly memleketterdıŋ äskerlerımen bırlesken oqu-jattyǧu jūmystaryn jürgızıp, täjıribesın şyŋdauda. Qazaqstan äskerınıŋ qatarynda azamattyq boryşyn atqaru ärbır jastyŋ basty mındetıne ainaldy. Äsker qatarynda bolu jastardy otansüigıştıkke baulyp, elı men jerıne süiıspenşılıgın arttyryp, ömırge beiımdeidı.
Jastar elın qorǧaityn äskeri mamandyqtyŋ da bar ekenın jaqsy bıledı. Jetkınşekterge mektepten bastap nasihat jūmystary jürgızılude. Arnaiy äskeri mektepter men liseiler aşylyp jatyr. Solardyŋ bırı – «Arystan» mamandandyrylǧan äskeri liseiı. Atalmyş oqu ornynda bolǧanda Elbasy Nūrsūltan Nazarbaev: «Bızdıŋ Otanymyz bıreu, ol – Qazaqstan, elımız bıreu, ol – Qazaq elı. Bärımızdıŋ qanymyz bır, bolaşaǧymyz bır. Otandy saqtau, Täuelsızdıgımızdı közdıŋ aǧy men qarasyndai küzetu – bärımızdıŋ boryşymyz» degen bolatyn. Osy aitylǧan söz ärbır qazaqstandyqtardyŋ jüregıne otansüigıştık sezımın ūialatyp, Otan, Qazaqstan, Täuelsızdık, Bolaşaq, Beibıtşılık degen sözderdıŋ maǧynasyn tereŋ tüsınuge meŋzeidı.
Bügıngı ūrpaq otansüigıştıktı, beibıt ömırdı, öz jerı men elın qorǧaudy aldyŋǧy buynnan üirene alady. Oǧan mysal jeterlık. Atap aitatyn bolsaq, olar – qazaq elınıŋ bostandyǧy üşın bolǧan Anyraqai şaiqasy, faşizmnyŋ būǧauynan qūtqarǧan Ūly Otan soǧysy.
Sūrapyl Ūly Otan soǧysynda qazaqstandyq azamattar qan maidanda qaru ūstasa, tylda äielder men balalar zauyttar men fabrikalarda, auyl şaruaşylyǧynda kündız-tünı aianbai eŋbek etkenın jaqsy bılemız. Soǧysqa bır jarym milliondai qazaqstandyq qatysyp, olardyŋ 60 myŋy batyldyq pen batyrlyq körsetkenderı üşın ordender men medaldarmen marapattaldy, 369 adam Keŋes Odaǧynyŋ batyry ataǧyn aldy. Keudesıne ekı märte batyr medaldaryn taqqan Talǧat Bigeldinov pen Sergei Luganskiidıŋ, qazaqtyŋ qos qarlyǧaşy Mänşük Mämetova men Äliia Moldaǧūlovanyŋ attaryn asa qūrmetpen jäne maqtanyşpen aita alamyz. Panfilov atyndaǧy 8-gvardiialyq diviziianyŋ qūramynda soǧysyp, keiınnen onyŋ komandirı bolǧan aty aŋyzǧa ainalǧan Bauyrjan Momyşūlynyŋ erlıkterı köptegen kıtaptarǧa arqau bolyp, jastardy otansüigıştık pen batyrlyqqa şyŋdauǧa septıgın tigızgenın köpşılık jaqsy bıledı. Soǧys jyldary käsıpodaq organdary tyldaǧy qauyrt ısterdıŋ basy-qasynda bolyp, olardy oryndau üşın aianbai ter töktı. Mysaly, 1941-1942 jyldary Qazaqstanǧa batys aimaqtardan köşırılgen 110 käsıporyndy jaiǧastyruǧa atsalysty. Soǧys jyldary Qazaqstanda önerkäsıptıŋ barlyq salasy damyp, jeŋıs üşın jūmys atqardy. Bır mysal, tek qana jeŋıl önerkäsıpte eŋbek etken qyz-kelınşekter men balalar 350 diviziiaǧa jazdyq kiım-keşek, 80 diviziiaǧa şinel, 100 diviziiaǧa aiaq kiım, tonnalaǧan azyq-tülıkter jönelttı.
Qazaqstandyqtar ekı jyl ışınde soǧys aimaqtarynan köşıp kelgen 428,5 myŋ adamdy, 1,6 myŋ jetım balalardy bauyryna basty, bır üzım nanymen bölıstı. Eŋbekşıler öz qarajattaryna ondaǧan tank kollonnalaryn, äue eskadriliialaryn jasaqtady. Būl soǧysta jeŋıstı äsker men halyq tıze qosa otyryp, erlık körsetıp, eren eŋbek arqasynda bırge şyŋdady.
Bügıngı beibıt ömırde soǧysqa qatysqan äskeriler men tylda eŋbek etkenderge syi-qūrmet körsetu – ärbır ūiym men azamattyŋ boryşy. Sondyqtan, Astana qalasyndaǧy käsıporyndar men ūiymdarda käsıpodaqtyŋ qatysuymen Otan qorǧauşylar men Jeŋıs künderıne arnalǧan ıs-şaralar atqaryluda. Mysaly, «Astana Tazalyq», «Astana su arnasy», «Astana Zelenstroi», «Astanatelekom» käsıporyndarynda, temırjol salasynyŋ käsıporyndarynda, mektepterde, joǧary jäne orta oqu oryndaryndaǧy äkımşılıkter men käsıpodaq ūiymdary soǧys jäne eŋbek ardagerlerıne qoşemet körsetıp, syi-siiapat jasaidy.
Bügıngı taŋdaǧy ärbır adamzattyŋ tılegı – beibıt ömır. Sol beibıt zamanda adam balasy negızgı üş taǧandy özıne maqsat etıp qoiuy abzal dep oilaimyn. Olar – zor densaulyq, berekelı otbasy men adal eŋbek. Qazaqstannyŋ täuelsızdıgı baiandy boluy, Astananyŋ kün sanap ösıp-örkendeuı üşın bärımız atsalysaiyq, aǧaiyn.
Särsenbai MYŊBAEV,
QR käsıpodaqtary Federasiiasy töraǧasynyŋ orynbasary,
Astana qalasy käsıpodaqtar Keŋesınıŋ töraǧasy